ലോകത്ത് കൊവിഡ് പ്രതിസന്ധി ഗുരുതരം; 24 മണിക്കൂറില്‍ രോഗം സ്ഥിരീകരിച്ചത് രണ്ടേകാല്‍ ലക്ഷത്തിലധികം പേര്‍ക്ക്
ഡൂള്‍ന്യൂസ് ഡെസ്‌ക്
Saturday, 11th July 2020, 7:52 am
വാഷിങ്ടണ്‍: ലോകത്ത് കൊവിഡ് വ്യാപനം രൂക്ഷമാവുകയാണെന്ന് റിപ്പോര്‍ട്ട്. കഴിഞ്ഞ 24 മണിക്കൂറിനിടെ 2.30 ലക്ഷത്തിലധികം പേര്‍ക്കാണ് രോഗം സ്ഥിരീകരിച്ചത്. ഇതോടെ ലോകത്ത് ആകെ കൊവിഡ് ബാധിച്ചവരുടെ എണ്ണം 1,26,14,260 ആയി.
വെള്ളിയാഴ്ച മാത്രം കൊവിഡ് ബാധിച്ച് മരിച്ചത് 5,357 പേരാണ്. ഇതോടെ ആകെ മരണസംഖ്യ 5,61,980 ആയി ഉയര്‍ന്നു.
അമേരിക്ക, ബ്രസീല്‍, ഇന്ത്യ, റഷ്യ തുടങ്ങിയ രാജ്യങ്ങളില്‍ കോവിഡ് രോഗികളുടെ എണ്ണം വര്‍ധിക്കുകയാണ്. അമേരിക്കയില്‍ രോഗികകള്‍ 32 ലക്ഷം കടന്നു. പുതുതായി 71,372 പേര്‍ക്ക് രോഗം സ്ഥിരീകരിച്ചു. മരണസംഖ്യ 1,36,649 ആയി.
ബ്രസീലില്‍ കഴിഞ്ഞ 24 മണിക്കൂറിനുള്ളില്‍ 45,000 ത്തിലേറേ പേര്‍ക്ക് കൊവിഡ് സ്ഥിരീകരിച്ചു. 1,300 ഓളം പേര്‍ക്കാണ് ജീവന്‍ നഷ്ടമായത്. ഇതോടെ ആകെ മരണം 70,000 കടന്നു. ആകെ രോഗികളുടെ എണ്ണം 18 ലക്ഷം കടന്നു.
