'കുതിരക്കച്ചവടത്തിന്റെ മറ്റൊരു പേരാണ് കോണ്‍ഗ്രസ്'; സഖ്യകക്ഷിക്കെതിരെ കുമാരസ്വാമി
ഡൂള്‍ന്യൂസ് ഡെസ്‌ക്
Tuesday, 28th July 2020, 4:41 pm
ജനാധിപത്യപരമായി തെരഞ്ഞെടുക്കപ്പെട്ട സര്‍ക്കാരുകളെ ബി.ജെ.പി അട്ടിമറിക്കുകയാണെന്ന് ആരോപിച്ച് കോണ്‍ഗ്രസ് രാജ്യവ്യാപകമായി ‘സേവ് ഡെമോക്രസി’ പ്രചരണം നടത്തിവരവേ, കോണ്‍ഗ്രസിനെതിരെ വിമര്‍ശനവുമായി ജനതാദള്‍ എസ്. കുതിരക്കച്ചവടത്തിന്റെ മറ്റൊരു പേരാണ് കോണ്‍ഗ്രസ് എന്ന് ജനതാദള്‍ എസ് നേതാവ് എച്ച്.ഡി കുമാരസ്വാമി വിമര്‍ശിച്ചു.
പാര്‍ട്ടികളെ വിഭജിക്കുന്നതിലും എം.എല്‍.എമാരെ വിഭജിക്കുന്നതിലും കോണ്‍ഗ്രസ് വിദഗ്ധരാണ്. അവര്‍ ഈ പ്രവര്‍ത്തി ആരംഭിച്ചതിന് ശേഷമാണ് കുതിരക്കച്ചവടം എന്ന പദം തന്നെ ഉടലെടുത്തതെന്നും കുമാരസ്വാമി പറഞ്ഞു.
