ബി.ജെ.പിക്ക് വീണ്ടും തലവേദന തീര്‍ത്ത് വിജയവര്‍ഗിയ; വിവാദ പരാമര്‍ശങ്ങള്‍ ഉപയോഗിക്കരുതെന്ന് തെരഞ്ഞെടുപ്പ് കമ്മീഷന്‍
ഡൂള്‍ന്യൂസ് ഡെസ്‌ക്
Friday, 30th October 2020, 6:00 pm
ഭോപ്പാല്‍: ബി.ജെ.പി നേതാവ് കൈലാഷ് വിജയവര്‍ഗിയയ്ക്ക് തെരഞ്ഞെടുപ്പ് കമ്മീഷന്റെ താക്കീത്. തെരഞ്ഞെടുപ്പ് പെരുമാറ്റച്ചട്ടം ലംഘിച്ചതിനാണ് വിജയവര്‍ഗിയയ്ക്ക് തെരഞ്ഞെടുപ്പ് കമ്മീഷന്‍ താക്കീത് നല്‍കിയിരിക്കുന്നത്. തെരഞ്ഞെടുപ്പ് കാലയളവില്‍ വിവാദ പരാമര്‍ശങ്ങള്‍ നടത്തരുതെന്ന് വിജയവര്‍ഗിയയോട് കമ്മീഷന്‍ ആവശ്യപ്പെട്ടു.
കോണ്‍ഗ്രസ് നേതാക്കളായ ദിഗ്‌വിജയ സിംഗിനും കമല്‍ നാഥിനും എതിരെ നടത്തിയ പരാമര്‍ശത്തില്‍ വിജവര്‍ഗിയയ്ക്ക് തെരഞ്ഞെടുപ്പ് കമ്മീഷന്‍ നോട്ടീസ് അയച്ചിരുന്നു.കോണ്‍ഗ്രസ് നേതാക്കളെ ചതിയന്മാരെന്നാണ് വിജയവര്‍ഗിയ വിളിച്ചത്.
ഇനി അത്തരത്തിലുള്ള പരാമര്‍ശങ്ങള്‍ നടത്തരുതെന്നാണ് വിജയവര്‍ഗിയയോട് കമ്മീഷന്‍ പറഞ്ഞിരിക്കുന്നത്.
