'പരിപ്പുവടയുടേയും കട്ടന്‍ചായയുടേയും കാലം കഴിഞ്ഞു'; ആര്‍ഭാട വിവാഹത്തില്‍ ഗീതാ ഗോപിയെ പിന്തുണച്ച് സി.എന്‍ ജയദേവന്‍
തൃശൂര്‍: മകളുടെ വിവാഹത്തിന്റെ ആര്‍ഭാടത്തിന്റെ പേരില്‍ വിവാദത്തിലകപ്പെട്ട ഗീതാ ഗോപി എം.എല്‍.എയെ പിന്തുണച്ച് തൃശൂര്‍ എം.പി സി.എന്‍ ജയദേവന്‍. പരിപ്പുവടയുടേയും കട്ടന്‍ചായയുടേയും കാലം കഴിഞ്ഞെന്നും ഇനി അങ്ങനെ ജീവിക്കണമെന്ന് പറയുന്നതില്‍ അര്‍ഥമില്ലെന്നും ജയദേവന്‍ പറഞ്ഞു.
Also read ‘രക്തസാക്ഷി’ കുടുംബങ്ങളോടൊപ്പം ഇഫ്താര്‍ വിരുന്നൊരുക്കി എസ്.ഐ.ഒ; പങ്കെടുത്തത് നജീബിന്റെയും അഖ്‌ലാക്കിന്റെയും പെഹ്‌ലു ഖാന്റെയും കുടുംബം
വിവാഹത്തിലെ നല്ല വശങ്ങള് കാണണമെന്ന് പറഞ്ഞ എം.പി വിവാഹത്തിന് വാങ്ങിയ സ്വര്ണം അണിയാതെ പിന്നെ മാറ്റിവെക്കാന് പറ്റുമോയെന്നും ചോദിച്ചു. ഗീതാ ഗോപി മിടുക്കിയായ എം.എല്‍.എയാണെന്നും അദ്ദേഹം കൂട്ടിച്ചേര്ത്തു.
എന്നാല്‍ ആര്‍ഭാട വിവാഹത്തെക്കുറിച്ചുള്ള ചോദ്യത്തിന് നിയന്ത്രണം ആകാമായിരുന്നു എന്നായിരുന്നു അദ്ദേഹത്തിന്റെ മറുപടി. എം.എല്‍.എയുടെ മകളുടെ ചിത്രം സേഷ്യല്‍ മീഡിയയില്‍ പ്രചരിച്ചതോടെയാണ് ആര്‍ഭാട വിവാഹം വിവാദത്തിലാകുന്നത്. വിവാഹങ്ങളുടെ കാര്യത്തില്‍ മാതൃക സ്വയം സൃഷ്ടിക്കേണ്ടതാണെന്ന് അടുത്തിടെ മുഖ്യമന്ത്രി നിയമസഭയില്‍ പറഞ്ഞിരുന്നു.
Dont miss കോഹ്‌ലിയെ ഞങ്ങള്‍ക്ക് തന്നിട്ട് പാക് ടീമിനെ നിങ്ങള്‍ എടുത്തോളൂ: പാക്കിസ്ഥാന്‍ മാധ്യമപ്രവര്‍ത്തകയുടെ ട്വീറ്റിനെ ട്രോളി ആരാധകര്‍
ഇതിന് പിന്നാലെയാണ് എം.എല്‍.എയുടെ മകളുടെ വിവാഹം ചര്ച്ചയാകുന്നത്. ആര്‍ഭാട വിവാഹം നിയന്ത്രിക്കണമെന്ന് ആവശ്യപ്പെട്ട മുല്ലക്കര രത്നാകരന് അവതരിപ്പിച്ച ശ്രദ്ധ ക്ഷണിക്കല് പ്രമേയത്തിനായിരുന്നു മറുപടിയായിട്ടായിരുന്നു പിണറായിയുടെ വാക്കുകള്.
വിവാഹം വിവാദമായതോടെ സി.പി.ഐ സംസ്ഥാന കമ്മിറ്റി വിഷയത്തില്‍ വിശദീകരണം തേടിയിരുന്നു. പാര്‍ട്ടി ജില്ലാ കമ്മിറ്റിയോട് ഇക്കാര്യത്തില്‍ വിശദീകരണം തേടി റിപ്പോര്‍ട്ട് നല്‍കാനാണ് സംസ്ഥാന കമ്മിറ്റി നിര്‍ദേശിച്ചത്
