കൊല്‍ക്കത്ത: കൊല്‍ക്കത്തയില്‍ വെച്ച് ആള്‍ക്കൂട്ടം ആക്രമിച്ചെന്ന പരാതിയുമായി ബി.ജെ.പി എം.പി അര്‍ജുന്‍ സിംഗ്. വെള്ളിയാഴ്ചയാണ് സംഭവം. തനിക്കെതിരെ നടന്ന ആക്രമണം
ആസൂത്രിതമാണെന്ന് പറഞ്ഞ സിംഗ് തെരഞ്ഞെടുപ്പ് കമ്മീഷനും പൊലീസിനും പരാതി നല്‍കി.
ബി.ജെ.പി സ്ഥാനാര്‍ത്ഥിയായ ശിവാജി സിംഗ് റോയിക്ക് നേരെ കല്ലെറിഞ്ഞതായും സിംഗ് പറഞ്ഞു.
‘ പൊതുയോഗത്തിനായി ഞങ്ങള്‍ എത്തിയപ്പോള്‍ ബെല്‍ഗാച്ചിയയിലെ ഞങ്ങളുടെ സ്ഥാനാര്‍ത്ഥി ശിവാജി സിംഗ റോയിക്ക് നേരെ കല്ലെറിഞ്ഞു. അദ്ദേഹത്തെ സംരക്ഷിക്കാന്‍ ഞാന്‍ എന്റെ സെക്യൂരിറ്റിയോട് ആവശ്യപ്പെട്ടപ്പോള്‍, ആള്‍ക്കൂട്ടത്തിലെ ചിലര്‍ എന്റെ ഷര്‍ട്ടിന്റെ കോളര്‍ പിടിച്ചുവലിക്കുകയും വേദി നശിപ്പിക്കുകയും ചെയ്തു,” അദ്ദേഹം പറഞ്ഞു.
