ടിപ്പു സുല്‍ത്താന്‍ ഈ മണ്ണിന്റെ മകന്‍; ടിപ്പുവിനെ പറ്റി കുട്ടികള്‍ പഠിക്കുന്നത് അഭിമാന ബോധം നല്‍കുമെന്ന് ബി.ജെ.പി നേതാവ്
ഡൂള്‍ന്യൂസ് ഡെസ്‌ക്
Thursday, 27th August 2020, 1:48 pm
കര്‍ണാടക: ടിപ്പു സുല്‍ത്താനെ പുകഴ്ത്തി കര്‍ണാടകയിലെ ബി.ജെപി നേതാവ്. കര്‍ണാടക നിയമ നിര്‍മാണ കൗണ്‍സില്‍ അംഗം എ.എച്ച് വിശ്വനാഥാണ് ടിപ്പു ഈ മണ്ണിന്റെ മകനാണെന്ന് പറഞ്ഞത്.
‘ ടിപ്പു സുല്‍ത്താന്‍ ഒരു പാര്‍ട്ടിയിലോ, ജാതിയിലോ മതത്തിലോ ഉള്‍പ്പെടുന്നില്ല. ടിപ്പു ഈ മണ്ണിന്റെ മകനാണ്. നമ്മള്‍ അദ്ദേഹത്തെ ഏതെങ്കിലും ഒരു ജാതിയിലേക്കോ മതത്തിലേക്കോ ആയി കുറയ്ക്കരുത്,’ വിശ്വനാഥ് പറഞ്ഞു.
ടിപ്പുവിനെക്കുറിച്ചുള്ള പാഠഭാഗങ്ങള്‍ കുട്ടികള്‍ക്ക് പഠിക്കണമോ എന്ന വിഷയത്തില്‍ മാധ്യമങ്ങളോട് സംസാരിക്കുകയായിരുന്നു ഇദ്ദേഹം.
