പൃഥ്വിരാജ് സിനിമയുടെ സഹസംവിധായകന്‍ തൂങ്ങി മരിച്ച നിലയില്‍
ഡൂള്‍ന്യൂസ് ഡെസ്‌ക്
Monday, 8th February 2021, 12:05 pm
കൊച്ചി: പൃഥ്വിരാജ് നായകനായി ഒരുങ്ങുന്ന ഭ്രമം എന്ന സിനിമയുടെ സഹസംവിധായകനെ മരിച്ച നിലയില്‍ കണ്ടെത്തി. സഹസംവിധായകനായ ആര്‍. രാഹുലിനെയാണ് തൂങ്ങി മരിച്ച നിലയില്‍ കൊച്ചി മരടിലെ ഹോട്ടല്‍ മുറിയില്‍ കണ്ടെത്തിയത്.
33 വയസായിരുന്നു. ആലപ്പുഴയിലെ തുമ്പോളി സ്വദേശിയാണ്. ഹോട്ടല്‍ ജീവനക്കാര്‍ അറിയിച്ചതിനെ തുടര്‍ന്ന് മരട് പൊലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം തൃപ്പൂണിത്തുറ താലൂക്ക് ആശുപത്രിയിലേയ്ക്കു മാറ്റി.
