മുസ്‌ലിമായത് കൊണ്ട് വര്‍ഗീയമായ നിരവധി പ്രശ്നങ്ങള്‍ നേരിടേണ്ടി വന്നു ; മതത്തെ അടിസ്ഥാനപ്പെടുത്തിയാണ് ഇപ്പോള്‍ വ്യക്തിത്വം നിശ്ചയിക്കുന്നതെന്നും സംവിധായകന്‍ കമല്‍
ഡൂള്‍ന്യൂസ് ഡെസ്‌ക്
Monday, 21st October 2019, 3:54 pm
മൂവാറ്റുപുഴ:മുസ്ലിമായതുകൊണ്ടും തന്റെ മുസ്ലിം പേര് കൊണ്ടും വര്‍ഗീയമായ നിരവധി പ്രശ്നങ്ങള്‍ തനിക്ക് നേരിടേണ്ടി വന്നിരുന്നുവെന്ന് സംവിധായകനും ചലച്ചിത്ര അക്കാദമി ചെയര്‍മാനുമായ കമല്‍.
കേരള സംസ്ഥാന ചലച്ചിത്ര അക്കാദമി മൂവാറ്റുപുഴ ഫിലിം സൊസൈറ്റിയുടെ സഹകരണത്തോടെ ഇവിഎം ലതാ തിയേറ്ററില്‍ സംഘടിപ്പിക്കുന്ന 11-ാമത് ദേശീയ ചലച്ചിത്രമേളയുടെ ഭാഗമായി ‘അതിര്‍ത്തികള്‍ പൗരത്വം സിനിമ’ എന്ന വിഷയത്തില്‍ നടന്ന ഓപ്പണ്‍ ഫോറത്തില്‍ സംസാരിക്കുകയായിരുന്നു അദ്ദേഹം.
