കൂടുതലും ലഭിച്ചത് അത്തരം കഥാപാത്രങ്ങളായത് കൊണ്ടാണ് സിനിമയില്‍ നിന്ന് മാറി നിന്നത്; ബീന ആന്റണി പറയുന്നു
എന്റര്‍ടെയിന്‍മെന്റ് ഡെസ്‌ക്
Monday, 16th August 2021, 6:28 pm
മലയാളികളായ ടെലിവിഷന്‍ പ്രേക്ഷകര്‍ക്ക് സുപരിചിതയായ നടിയാണ് ബീന ആന്റണി. സീരിയലിലും കോമഡി പ്രോഗ്രാമുകളിലും മുഖം കാണിക്കുന്നതിന് മുമ്പ് ഒരുപിടി സിനിമകളിലും ബീന ആന്റണി അഭിനയിച്ചിട്ടുണ്ട്.
സിനിമ വിട്ട് മറ്റ് മേഖലകളിലേക്ക് തിരിയാനുണ്ടായ കാരണം വെളിപ്പെടുത്തുകയാണ് ബീനയിപ്പോള്‍. കൂടുതലായും ലഭിച്ചത് സഹോദരി കഥാപാത്രങ്ങളായതുകൊണ്ടാണ് താന്‍ സിനിമയില്‍ നിന്ന് മാറിനിന്നതെന്നാണ് നടി പറയുന്നത്.
അത്തരം കഥാപാത്രങ്ങളുമായി മുന്നോട്ട് പോകാനാകില്ലെന്ന് തോന്നിയിരുന്നുവെന്നും ബീന ആന്റണി പറയുന്നു.
‘അക്കാലത്താണ് സീരിയലിലേക്ക് വിളിക്കുന്നത്. സിനിമയേക്കാള്‍ കൂടുതല്‍ പ്രാധാന്യമുള്ള റോളുകള്‍ സീരിയലില്‍ കിട്ടിയതോടെ മിനിസ്‌ക്രീനാണ് കരിയറെന്ന് ഉറപ്പിച്ചു. ഒരുപാട് നല്ല സീരിയലുകളും ടെലിവിഷന്‍ ഷോകളും ചെയ്യാന്‍ പറ്റി.
