തീയില്‍ കൂടി നടന്നുകൊണ്ട് ഏഷ്യാ കപ്പിന് തയ്യാറെടുക്കുന്നു; ബംഗ്ലാദേശ് ഓപ്പണറുടെ വീഡിയോ വൈറല്‍
സ്പോര്‍ട്സ് ഡെസ്‌ക്
Saturday, 19th August 2023, 7:38 pm
ഈ മാസം അവസാനം ആരംഭിക്കുന്ന ഏഷ്യാ കപ്പിനായുള്ള തയ്യാറെടടുപ്പിലാണ് ഏഷ്യന്‍ രാജ്യങ്ങളെല്ലാം. ശ്രലീങ്കയിലും പാകിസ്ഥാനിലുമായി വെച്ച് നടക്കുന്ന ഏഷ്യാ കപ്പിനെ ലോകകപ്പിന് മുമ്പുള്ള തയ്യാറെടടുപ്പായിട്ടും ടീമുകള്‍ കാണുന്നുണ്ട്.
ടൂര്‍ണമെന്റ് ആരംഭിക്കാന്‍ പത്ത് ദിവസം ബാക്കി നില്‍ക്കെ ബംഗ്ലാദേശ് താരം മുഹമ്മദ് നയീം അദ്ദേഹത്തിന്റെ തയ്യാറെടുപ്പ് മറ്റൊരു തലത്തിലേക്ക് കൊണ്ട്‌പോകുകയാണ്. താരം സോഷ്യല്‍ മീഡിയ വഴി പുറത്തുവിട്ട വീഡിയോയില്‍ ചൂടാക്കിയ കനലില്‍ കൂടി നടക്കുന്നത് കാണാം. മാനസികമായി കാഠിന്യം നേടിയെടുക്കാനാണ് നയീം ഇങ്ങനെ ചെയ്യുന്നത്.
വീഡിയോയില്‍ താരത്തെ കനലില്‍ കൂടി നടക്കാനായി ഗയ്ഡ് ചെയ്യുന്ന സാബിത് റെഹാനും അദ്ദേഹം ക്രെഡിറ്റ് നല്‍കുന്നുണ്ട്. തന്റെ സഹതാരങ്ങളായ ടസ്‌കിന്‍ അഹ്‌മദിനും നുറുല്‍ ഹസന്‍ സോഹനും നയീം പോസ്റ്റില്‍ നന്ദി അറിയിക്കുന്നുണ്ട്.
