എന്റര്‍ടെയിന്‍മെന്റ് ഡെസ്‌ക്3 hours ago
ദിലീഷ് പോത്തന്‍ സംവിധാനം ചെയ്ത ചിത്രം ജോജിയിലെ ഷൂട്ടിങ്ങ് വീഡിയോ പങ്കുവെച്ച് നടന്‍ ബാബുരാജ്. തിരിച്ചു വരവില്ലാത്ത യാത്ര എന്ന തലക്കെട്ടോടെ ബാബുരാജും ഫഹദ് ഫാസിലും സ്‌കൂട്ടറില്‍ പോകുന്നതിന്റെ വീഡിയോയാണ് ബാബുരാജ് സമൂഹമാധ്യമങ്ങളില്‍ പങ്കുവെച്ചിരിക്കുന്നത്.
ചിത്രത്തിലെ നിര്‍ണായക രംഗത്തെ ഷൂട്ടിംഗ് ദൃശ്യമാണത്. ഫഹദ് ഫാസില്‍ അവതരിപ്പിച്ച ജോജിയുടെ ചേട്ടന്‍ ജോമോനായാണ് ബാബുരാജ് ചിത്രത്തിലെത്തുന്നത്. ബാബുരാജിന്റെ കരിയറിലെ ഏറ്റവും നല്ല കഥാപാത്രമാണ് ജോമോന്‍ എന്ന് അഭിപ്രായങ്ങള്‍ ഉയര്‍ന്നിരുന്നു.
ജോജിയ്ക്ക് മികച്ച പ്രതികരണമാണ് പ്രേക്ഷകരില്‍ നിന്നും ലഭിക്കുന്നത്. ഇതിനൊപ്പം ചിത്രത്തെ കുറിച്ചുള്ള ചില വിമര്‍ശനങ്ങളും ഉയര്‍ന്നിരുന്നു. അതേസമയം ജോജി എന്ന സിനിമയെ കുറിച്ചും സിനിമയിലെ ഓരോ കഥാപാത്രങ്ങളെ കുറിച്ചുമുള്ള ചര്‍ച്ചകള്‍ സമൂഹമാധ്യമങ്ങളില്‍ ഇപ്പോഴും തുടരുകയാണ്.
ആമസോണ്‍ പ്രൈമില്‍ ചിത്രം റിലീസായതിന് പിന്നാലെ ഓരോ കഥാപാത്രങ്ങളേയും വ്യത്യസ്തമായ രീതിയില്‍ സമീപിച്ചുകൊണ്ടുള്ള കുറിപ്പുകളും മറ്റും സമൂഹമാധ്യമങ്ങളില്‍ ചര്‍ച്ചയാകുന്നുണ്ട്.
ദിലീഷ് പോത്തനും ശ്യാം പുഷ്‌കരനും ഫഹദും ചേര്‍ന്നാണ് സിനിമയുടെ നിര്‍മ്മാണം നിര്‍വഹിച്ചിരിക്കുന്നത്. ഭാവന സ്റ്റുഡിയോസ്, ഫഹദ് ഫാസില്‍ ആന്‍ഡ് ഫ്രണ്ട്സ്, വര്‍ക്കിംഗ് ക്ലാസ് ഹീറോ എന്നീ ബാനറുകളിലാണ് ‘ജോജി’ ഒരുക്കിയത്. ഷൈജു ഖാലിദ് ആണ് ഛായാഗ്രഹണം. എഡിറ്റിംഗ് കിരണ്‍ ദാസ്. ബാബുരാജ്, ഷമ്മി തിലകന്‍, ഉണ്ണിമായ, ജോജി മുണ്ടക്കയം, പി.എന്‍ സണ്ണ്ി എന്നിവര്‍ക്കൊപ്പം പുതുമുഖങ്ങളും ചിത്രത്തില്‍ കഥാപാത്രങ്ങളെ അവതരിപ്പിക്കുന്നു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
