രാമക്ഷേത്ര ട്രസ്റ്റിന് വിദേശ ഫണ്ട് സ്വീകരിക്കാന്‍ അനുമതി
ഡൂള്‍ന്യൂസ് ഡെസ്‌ക്
Thursday, 19th October 2023, 8:41 am
ന്യൂദല്‍ഹി: ബാബറി മസ്ജിദ് തകര്‍ത്ത ഭൂമിയില്‍ നിര്‍മിക്കുന്ന രാമക്ഷേത്രത്തിന് വിദേശ ഫണ്ട് സ്വീകരിക്കാന്‍ കേന്ദ്ര ആഭ്യന്തര മന്ത്രാലയത്തിന്റെ അനുമതി.
ആഭ്യന്തര മന്ത്രാലയത്തിന്റെ എഫ്.സി.ആര്‍.എ 2010 ചട്ടപ്രകാരമാണ് വിദേശ ഫണ്ട് സ്വീകരിക്കുന്നതിന് രാമക്ഷേത്ര ട്രസ്റ്റിന് അനുമതി നല്‍കിയത്. വിദേശ സ്രോതസ്സുകളില്‍ നിന്ന് സംഭാവന സ്വീകരിക്കാവുന്ന ട്രസ്റ്റായി രാമക്ഷേത്ര ട്രസ്റ്റിനെ എഫ്.സി.ആര്‍.എ രജിസ്റ്റര്‍ ചെയ്തു.
ക്ഷേത്രത്തിന്റെ നിര്‍മാണത്തിന് മേല്‍നോട്ടം വഹിക്കുന്ന ട്രസ്റ്റ് ജൂണില്‍ എഫ്.സി.ആര്‍.എ രജിസ്ടേഷന് അപേക്ഷിച്ചിരുന്നു.