ഇതിന് പിന്നാലെ ഒരു റെക്കോഡ് നേട്ടമാണ് ബുംറ സ്വന്തമാക്കിയത്. അന്താരാഷ്ട്ര ക്രിക്കറ്റില്‍ ഏറ്റവും കൂടുതല്‍ തവണ ജോ റൂട്ടിനെ പുറത്താക്കുന്ന രണ്ടാമത്തെ ബൗളര്‍ ആയി മാറാന്‍ ബുംറക്ക് സാധിച്ചു. 13 തവണയാണ് റൂട്ടിനെ ബുംറ പുറത്താക്കിയത്. 29 ഇന്നിങ്‌സുകളില്‍ നിന്നുമാണ് ഇന്ത്യന്‍ പേസര്‍ റൂട്ടിനെ പുറത്താക്കിയത്.
അന്താരാഷ്ട്ര ക്രിക്കറ്റില്‍ റൂട്ടിനെ പുറത്താക്കിയ താരങ്ങളുടെ പട്ടികയില്‍ ഏറ്റവും മുന്നിലുള്ളത് ഓസ്‌ട്രേലിയന്‍ നായകന്‍ പാറ്റ് കമ്മിന്‍സാണ്. 39 ഇന്നിങ്സില് നിന്നും 14 തവണയാണ് കമ്മിന്‍സ് റൂട്ടിനെ പുറത്താക്കിയത്.
ഇംഗ്ലീഷ് ബാറ്റിങ് നിരയില്‍ ബെന്‍ ഡക്കെറ്റ് 151 പന്തില്‍ 153 റണ്‍സ് നേടി മികച്ച പ്രകടനം നടത്തി. 23 ഫോറുകളും രണ്ട് സിക്സുകളും ആണ് താരത്തിന്റെ ബാറ്റില്‍ നിന്നും പിറന്നത്. ഡക്കെറ്റ് പുറമെ നായകന്‍ ബെന്‍ സ്റ്റോക്സ് 89 പന്തില്‍ 41 റണ്‍സും ഒല്ലി പോപ്പ് 55 പന്തില്‍ 39 റണ്‍സും നേടി മികച്ച പ്രകടനം നടത്തി.
