ലാലേട്ടന്‍ വിളിച്ചപ്പോള്‍ ഫോണ്‍ എടുത്തില്ല; ഞാന്‍ എവിടെയാണെന്നറിയുന്നത് എനിക്കിഷ്ടമല്ല: ആസിഫ് അലി
എന്റര്‍ടെയിന്‍മെന്റ് ഡെസ്‌ക്
Thursday, 9th March 2023, 6:39 pm
മോഹന്‍ലാല്‍ വിളിച്ചപ്പോള്‍ ഫോണ്‍ എടുക്കാതിരുന്നതിന് പലരും വിളിച്ച് വഴക്ക് പറഞ്ഞിരുന്നെന്ന് ആസിഫ് അലി. തനിക്കങ്ങനെയൊരു ക്യാരക്ടര്‍ ഉണ്ടെന്നും ഒരിക്കല്‍ അതുപേക്ഷിക്കുന്നതിനെ പറ്റി ആലോചിച്ചിരുന്നെന്നും ആസിഫ് പറഞ്ഞു. ഇന്ത്യാഗ്ലിറ്റ്‌സിന് നല്‍കിയ അഭിമുഖത്തിലാണ് താരം ഇക്കാര്യങ്ങള്‍ പങ്കുവെച്ചത്.
‘ആ ശീലം മാറ്റാന്‍ ഞാന്‍ ഒരുതവണ ശ്രമിച്ചിട്ടുണ്ട്. സിനിമയില്‍ വന്നപ്പോള്‍ എന്റെ ആദ്യത്തെ കോണ്ട്രോവേഴ്‌സി അതായിരുന്നു.
ലാല്‍ സാര്‍ വിളിച്ചിട്ട് ഞാന്‍ ഫോണെടുത്തില്ലെന്ന് പറഞ്ഞ് ഒരുപാട് പേര്‍ എന്നെ വിളിച്ച് വഴക്ക് പറഞ്ഞിരുന്നു. പക്ഷെ എനിക്കെന്റെ ചില കൂട്ടുകാരെ തിരിച്ചുകിട്ടി. ‘ഓ മോഹന്‍ലാല്‍ വിളിച്ചിട്ട് ഫോണെടുത്തില്ല അല്ലേ’ എന്നായിരുന്നു ഫ്രണ്ട്‌സ് പറഞ്ഞത്. (ചിരി)
