'പരസ്യ പ്രസ്താവനകള്‍ക്ക് കര്‍ശന വിലക്ക്'; തദ്ദേശ തെരഞ്ഞെടുപ്പില്‍ യു.ഡി.എഫിന് തിരിച്ചടി ഉണ്ടായിട്ടില്ലെന്നും താരീഖ് അന്‍വര്‍
ഡൂള്‍ന്യൂസ് ഡെസ്‌ക്
Monday, 28th December 2020, 5:18 pm
തിരുവനന്തപുരം: സംസ്ഥാനത്ത് നടന്ന തദ്ദേശ തെരഞ്ഞെടുപ്പില്‍ യു.ഡി.എഫിന് വലിയ തിരിച്ചടി നേരിടേണ്ടി വന്നിട്ടില്ലെന്ന് കേരളത്തിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി താരീഖ് അന്‍വര്‍. വോട്ട് വിഹിതത്തില്‍ നേരിയ വ്യത്യാസം മാത്രമേ ഉണ്ടായിട്ടുള്ളു എന്നും അദ്ദേഹം പറഞ്ഞു.
ഇടതുപക്ഷവും യുഡി.എഫും തമ്മില്‍ 0.95 ശതമാനത്തിന്റെ വോട്ട് വ്യത്യാസം മാത്രമേ ഉണ്ടായിട്ടുള്ളു. ഇതിനെക്കാള്‍ മികച്ച ഫലം കേരളത്തിനുണ്ടാക്കാമായിരുന്നെന്നും താരീഖ് അന്‍വര്‍ പറഞ്ഞു.
അതേസമയം നിയമസഭാ തെരഞ്ഞെടുപ്പിന് മുന്നോടിയായി താഴേതട്ടില്‍ പാര്‍ട്ടിയില്‍ സംവിധാനം ശക്തിപ്പെടുത്തുമെന്നും ചില മാറ്റങ്ങള്‍ തീര്‍ച്ചയായും ഉണ്ടാകുമെന്നും അദ്ദേഹം പറഞ്ഞു.
