ഡാന്‍സ്, പാട്ട് എന്നൊക്കെ പറഞ്ഞ് എന്റെ വിവാഹത്തിന് അവര്‍ വമ്പന്‍ പ്ലാനിങ്ങായിരുന്നു; പക്ഷേ താലികെട്ട് കഴിഞ്ഞിട്ടും അവര്‍ എത്തിയില്ല; സുഹൃത്തുക്കളെ കുറിച്ച് ഭാവന
എന്റര്‍ടെയിന്‍മെന്റ് ഡെസ്‌ക്
Sunday, 25th September 2022, 8:44 am
മലയാളികളുടെ പ്രിയങ്കരിയാണ് നടി ഭാവന. ഭാവനയുടെ കല്യാണത്തിന് കൂട്ടുകാരികള്‍ ഡാന്‍സ് പ്ലാന്‍ ചെയ്ത് വരാതിരുന്നതും അത് പിന്നീട് സോഷ്യല്‍ മീഡിയയില്‍ മറ്റൊരു വാര്‍ത്തയായി വന്നതിനെക്കുറിച്ചും ഫ്‌ളവേഴ്‌സ് ഒരുകോടിയെന്ന പരിപാടിയിലൂടെ പങ്കുവെക്കുകയാണ് ഭാവന.
” എന്റെ കല്യാണത്തിന് ഫ്രണ്ട്‌സ് ഭയങ്കര പ്ലാനിങായിരുന്നു. ശില്‍പ ബാല, മൃദുല മുരളി, ഷഫ്‌ന, രമ്യ നമ്പീശന്‍, സയനോര ഇവരൊക്കെയായിരുന്നു. എല്ലാവരും അത് ചെയ്യും, ഇത് ചെയ്യും എന്നൊക്കെ പറഞ്ഞ് ഭയങ്കര പ്ലാനിങ്.
എന്റെ ഫ്രണ്ട്‌സ് പറഞ്ഞത് ഞാന്‍ കല്യാണം കഴിഞ്ഞ് വരുമ്പോഴേക്ക് ഡാന്‍സ് എന്നൊക്കെയിരുന്നു. എനിക്കും സന്തോഷം ഉള്ള കാര്യമായിരുന്നു. ഞാന്‍ എല്ലാത്തിനും ഓക്കെ പറഞ്ഞു. അവര്‍ ഭയങ്കര പ്രാക്ടീസ് ഒക്കെയായിരുന്നു.
ഞാന്‍ കാണാതിരിക്കാന്‍ റൂമിലേക്ക് വരുമ്പോള്‍ നിര്‍ത്തുക, അങ്ങനെ രഹസ്യമായിട്ടായിരുന്നു പ്രാക്ടീസ്. അവര്‍ക്ക് ഞാന്‍ അറിയാത്ത ഒരു ഗ്രൂപ്പ് ഉണ്ടായിരുന്നു. അതില്‍ ഫുള്‍ ചര്‍ച്ചയായിരുന്നു. എല്ലാവര്‍ക്കും കളര്‍ കോഡ് സാരി ഒക്കെ ഉണ്ടായിരുന്നു.
എന്നോട് സോറി പറയാന്‍ വേണ്ടിയാണ്. എനിക്ക് നിങ്ങളുടെ സോറി ഒന്നും വേണ്ടെന്ന് ഞാന്‍ പറഞ്ഞു. എന്നോട് സംസാരിക്കേണ്ട പോയിക്കോ എന്ന് പറഞ്ഞു. അത് പക്ഷേ വലിയ ന്യൂസായി.