എന്റെ മനസ്സില്‍ ഒരു പാട്രിയാര്‍ക്കിന്റെ സ്ഥാനമാണ് മമ്മൂട്ടിക്ക്; മമ്മൂട്ടി സര്‍ എന്നാണ് ഞാന്‍ വിളിക്കാറ്; ലാലേട്ടന് ജ്യേഷ്ഠനെപ്പോലെ: മുരളി ഗോപി
എന്റര്‍ടെയിന്‍മെന്റ് ഡെസ്‌ക്
Wednesday, 10th March 2021, 5:00 pm
മലയാളത്തിന്റെ സ്വന്തം താരങ്ങളായ മമ്മൂട്ടിയോടും മോഹന്‍ലാലിനോടുമുള്ള തന്റെ ആത്മബന്ധം തുറന്ന് പറയുകയാണ് നടനും തിരക്കഥാകൃത്തുമായ മുരളി ഗോപി.
മമ്മൂക്കയെ താന്‍ മമ്മൂട്ടി സര്‍ എന്നാണ് വിളിക്കുന്നതെന്നും അദ്ദേഹത്തോട് അടുത്ത് ഇടപഴകുമ്പോള്‍ തനിക്ക് തന്റെ അച്ഛനെ ഓര്‍മ്മ വരുമെന്നും മുരളി ഗോപി വനിതയ്ക്ക് നല്‍കിയ അഭിമുഖത്തില്‍ പറഞ്ഞു.
ഞാന്‍ മമ്മൂട്ടി സാര്‍ എന്നാണ് വിളിക്കുന്നത്. അദ്ദേഹത്തോട് അടുത്ത് ഇടപഴകുമ്പോള്‍ എനിക്ക് അച്ഛനെ ഓര്‍മ വരും. അദ്ദേഹം പ്രകടമായി അടുപ്പം കാണിക്കില്ല, എങ്കിലും നമ്മുടെ കാര്യങ്ങളില്‍ വലിയ കരുതലാണ്. അദ്ദേഹത്തിന് എന്റെ മനസ്സില്‍ ഒരു പാട്രിയാര്‍ക്കിന്റെ സ്ഥാനമാണ്,’ മുരളി ഗോപി പറഞ്ഞു.
