മമ്മൂട്ടി വില്ലനായി എത്തുന്നെന്ന് റിപ്പോര്‍ട്ട്; ചിത്രീകരണം അടുത്തമാസം
എന്റര്‍ടെയിന്‍മെന്റ് ഡെസ്‌ക്
Wednesday, 30th June 2021, 1:48 pm
മലയാളത്തിന്റെ സ്വന്തം മെഗാസ്റ്റാര്‍ മമ്മൂട്ടി വില്ലനായി എത്തുന്നെന്ന് റിപ്പോര്‍ട്ട്. തെലുങ്ക് ചിത്രത്തിലാണ് വില്ലനായി മമ്മൂട്ടിയെത്തുകയെന്നാണ് റിപ്പോര്‍ട്ട്.
അഖില്‍ അക്കിനേനി നായകനാവുന്ന ഏജന്റ് എന്ന ചിത്രത്തിലാണ് മമ്മൂട്ടി വില്ലനായി എത്തുന്നതെന്നാണ് പുറത്തുവരുന്ന റിപ്പോര്‍ട്ടുകള്‍.
എന്നാല്‍ ഇക്കാര്യം ഔദ്യോഗികമായി അണിയറ പ്രവര്‍ത്തകര്‍ സ്ഥിരീകരിച്ചിട്ടില്ല. ‘സെയ്‌രാ നരസിംഹ റെഡ്ഡി’ എന്ന ചിത്രത്തിലൂടെ പ്രശസ്തനായ സുരേന്ദര്‍ റെഡ്ഡിയാണ് ചിത്രം സംവിധാനം ചെയ്യുന്നത്.
കന്നഡ താരം ഉപേന്ദ്രയെയായിരുന്നു ചിത്രത്തില്‍ ആദ്യം വില്ലനായി പരിഗണിച്ചിരുന്നത്. പിന്നീട് മമ്മൂട്ടിയിലേക്ക് എത്തുകയായിരുന്നെന്നാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നത്.
