കര്‍ണാടകയിലെ ശിവമോഗയില്‍ വന്‍ സ്‌ഫോടനം; 8 തൊഴിലാളികള്‍ മരിച്ചു; കുടുതല്‍ മരണത്തിന് സാധ്യത
ഡൂള്‍ന്യൂസ് ഡെസ്‌ക്
Friday, 22nd January 2021, 8:04 am
ബെംഗളൂരൂ: കര്‍ണാടകയിലെ ശിവമോഗയില്‍ ഉണ്ടായ വന്‍ സ്‌ഫോടനത്തില്‍ 8 പേര്‍ മരിച്ചു. സമീപത്തെ ക്വാറിയിലേക്കുള്ള ഡൈനാമിറ്റും ജെലാറ്റിനുമായി പോയ ലോറി വന്‍ ശബ്ദത്തോടെ പൊട്ടിത്തെറിക്കുകയായിരുന്നുവെന്നാണ് പുറത്തുവരുന്ന റിപ്പോര്‍ട്ടുകള്‍
വ്യാഴാഴ്ച രാത്രി 10.30ഓടെയായിരുന്നു അപകടം. സംഭവത്തില്‍ കൊല്ലപ്പെട്ടവര്‍ എല്ലാം ബീഹാര്‍ സ്വദേശികളാണ്. ശിവമോഗയിലെ സമീപ പ്രദേശങ്ങളിലും സ്‌ഫോടനത്തിന്റെ പ്രകമ്പനം അനുഭവപ്പെട്ടിരുന്നു.
