പഠനാവശ്യത്തിന് റേഞ്ചിനായി മരത്തില്‍ കയറി; പാറക്കൂട്ടത്തിലേക്ക് വീണ വിദ്യാര്‍ത്ഥിക്ക് ഗുരുതര പരിക്ക്
ഡൂള്‍ന്യൂസ് ഡെസ്‌ക്
Thursday, 26th August 2021, 7:28 pm
കണ്ണൂര്‍: മൊബൈലില്‍ റേഞ്ചിനായി മരത്തില്‍ കയറിയ വിദ്യാര്‍ത്ഥി താഴെ വീണ് ഗുരുതര പരിക്ക്. കണ്ണവം വനമേഖലയിലെ പന്നിയോട് ആദിവാസി കോളനിയിലെ പി. അനന്തു ബാബുവിനാണ് മരത്തില്‍ നിന്ന് വീണ് നട്ടെല്ലിന് പരിക്കേറ്റത്.
കുട്ടിയെ പരിയാരം ഗവണ്‍മെന്റ് മെഡിക്കല്‍ കോളേജില്‍ പ്രവേശിപ്പിച്ചു. പ്ലസ് വണ്‍ അലോട്ട്‌മെന്റ് പരിശോധിക്കുന്നതിനായി റേഞ്ചിനായി വീടിന് സമീപത്തെ കൂറ്റന്‍ മരത്തില്‍ അനന്തു കയറുകയായിരുന്നു.
ഇതിനിടെ നിലതെറ്റി വിദ്യാര്‍ത്ഥി പാറക്കൂട്ടത്തിലേക്ക് വീഴുകയായിരുന്നു. പ്രദേശത്ത് റേഞ്ചില്ലാത്തത് നേരത്തെയും വാര്‍ത്തയായിരുന്നു. 72 കുട്ടികളാണ് കോളനിയില്‍ താമസിക്കുന്നത്.
