ഇന്ത്യ 'ശ്വാസം മുട്ടുമ്പോള്‍' ദല്‍ഹിയിലെ വീട്ടില്‍ നിന്ന് കണ്ടെടുത്തത് 48 ഓക്‌സിജന്‍ സിലിണ്ടറുകള്‍
ഡൂള്‍ന്യൂസ് ഡെസ്‌ക്
Friday, 23rd April 2021, 11:35 pm
ന്യൂദല്‍ഹി: കൊവിഡ് വ്യാപനത്തെ തുടര്‍ന്ന് രാജ്യത്തെ മിക്കയിടങ്ങളിലും ഓക്‌സിജന്‍ ക്ഷാമം നേരിടുന്നതിനിടെ ദല്‍ഹിയിലെ വീട്ടില്‍ നിന്ന് പൊലീസ് പിടിച്ചെടുത്തത് 48 ഓക്‌സിജന്‍ സിലിണ്ടറുകള്‍. എന്‍.ഡി.ടി.വിയാണ് വാര്‍ത്ത റിപ്പോര്‍ട്ട് ചെയ്യുന്നത്.
36 വലിയ തരം സിലിണ്ടറുകളും 16 ചെറിയ സിലിണ്ടറുകളുമാണ് റെയ്ഡിനിടയില്‍ കണ്ടെത്തിയത്. വ്യാവസായിക അടിസ്ഥാനത്തില്‍ ഓക്‌സിജന്‍ ഉത്പാദിപ്പിക്കുന്ന ബിസിനസ് ആണ് തനിക്കെന്ന് വീടിന്റെ ഉടമസ്ഥന്‍ അനില്‍ കുമാര്‍ വ്യക്തമാക്കി. ഇയാളെ പൊലീസ് അറസ്റ്റു ചെയ്തു.
