അഹമ്മദാബാദ്: ഗുജറാത്തില്‍ അഞ്ച് വര്‍ഷത്തിനിടെ 40,000 സ്ത്രീകളെ കാണാതായതായി ഔദ്യോഗിക കണക്കുകള്‍. നാഷണല്‍ ക്രൈം റെക്കോര്‍ഡ്‌സ് ബ്യൂറോ (എന്‍.സി.ആര്‍.ബി) പുറത്തുവിട്ട കണക്കുകള്‍ പ്രകാരം 2016ല്‍ 7,105, 2017ല്‍ 7,712, 2018ല്‍ 9,246, 2019ല്‍ 9,268 എന്നിങ്ങനെയാണ് കാണാതായ സ്ത്രീകളുടെ കണക്കുകള്‍.
2020ല്‍ 8,290 സ്ത്രീകളെയാണ് കാണാതായത്. അങ്ങനെ ആകെ അഞ്ച് വര്‍ഷത്തിനിടയില്‍ 41,621 സ്ത്രീകളെയാണ് സംസ്ഥാനത്ത് കാണാതായതെന്ന് എന്‍.സി.ആര്‍.ബി പുറത്തുവിട്ട കണക്കില്‍ പറയുന്നു.
ഗുജറാത്ത് സര്‍ക്കാര്‍ നിയമസഭയില്‍ അവതരിപ്പിച്ച കണക്ക് പ്രകാരം 2021ല്‍ അഹമ്മദാബാദിലും വഡോദരയിലും മാത്രം ഒരു വര്‍ഷത്തിനിടെ 4,722 സ്ത്രീകളെ കാണാതായതായും ദി ന്യൂ ഇന്ത്യന്‍ എക്‌സ്പ്രസിന്റെ റിപ്പോര്‍ട്ടില്‍ പറയുന്നു.
Almost 25 women go missing every day in Gujarat! This is Modi’s Gujarat model? #BetiBachao pic.twitter.com/2TkxIs7toF
— Prashant Bhushan (@pbhushan1) May 7, 2023
കാണാതായവരുടെ കേസുകള്‍ ഗൗരവമായി പരിഗണിക്കാത്തതാണ് ഈ കണക്കുകള്‍ ഇത്രയും വര്‍ധിച്ചതെന്ന് മുന്‍ ഐ.പി.എസ് ഉദ്യോഗസ്ഥനും ഗുജറാത്ത് സംസ്ഥാന മനുഷ്യാവകാശ കമ്മീഷന്‍ അംഗവുമായ സുധീര്‍ സിന്‍ഹ പറഞ്ഞു. ഇങ്ങനെ കാണാതായ സ്ത്രീകളില്‍ പലരേയും മറ്റ് സംസ്ഥാനങ്ങളിലേക്ക് നിര്‍ബന്ധിത ലൈംഗികവൃത്തിക്ക് കയറ്റിയയച്ചിട്ടുണ്ടാകമെന്ന് തന്റെ നിരീക്ഷണങ്ങളില്‍ നിന്ന് മനസിലാക്കിയെന്നും സുധീര്‍ സിന്‍ഹ കൂട്ടിച്ചേര്‍ത്തു.
The Gujarat Story pic.twitter.com/5rLbZo2ASh
— Karthick Murugan (@KarthickOcean) May 7, 2023
