സെന്‍ മൊബൈല്‍ പുറത്തിറക്കുന്ന ഫയര്‍ഫോക്‌സ് ഫോണ്‍ ഈ മാസമെത്തും
ഡൂള്‍ന്യൂസ് ഡെസ്‌ക്
Saturday, 11th October 2014, 9:56 am
[]ന്യൂദല്‍ഹി: നാലാമത്തെ ഫയര്‍ഫോക്‌സ് ഫോണ്‍ ഈ മാസം ഇന്ത്യയിലെത്തും. സെന്‍ മൊബൈല്‍ ആണ് ഫോണ്‍ പുറത്തിറക്കുക. ഫയര്‍ഫോക്‌സ് ഒ.എസ് അടിസ്ഥാനമാക്കിയുള്ള സ്മാര്‍ട്ട്‌ഫോണ്‍ കുറഞ്ഞവിലയ്ക്ക് ഒക്ടോബര്‍ മുതല്‍ ഇന്ത്യയില്‍ ലഭ്യമാകുമെന്ന് മൊസില്ല അറിയിച്ചു.
സ്‌പൈസ് ഫയര്‍വണ്‍ എം.ഐ-എഫ്.ഐക്‌സ് 1 ആണ് ഇന്ത്യയില്‍ പുറത്തിറക്കിയ ആദ്യ ഫയര്‍ഫോക്‌സ് ഫോണ്‍. ആഗസ്റ്റിലാണ് ഈ ഫോണ്‍ ഇന്ത്യയില്‍ ഇറങ്ങിയത്.
ഇന്റക്‌സ് ക്ലൗഡ് എഫ്.എക്‌സ്, അല്‍കാറ്റല്‍ വണ്‍ ടച്ച് ഫയര്‍ സി എന്നിവയാണ് ഇന്ത്യയില്‍ പുറത്തിറങ്ങിയ മറ്റ് ഫയര്‍ഫോക്‌സ് ഫോണുകള്‍. ഇന്റക്‌സ് ടെക്‌നോളജീസും, സ്‌പൈസ് റീട്ടെയില്‍ ലിമിറ്റഡുമാണ് നേരത്തെ ഫയര്‍ഫോക്‌സ് ഫോണുകള്‍ ഇന്ത്യന്‍ മാര്‍ക്കറ്റില്‍ എത്തിച്ചത്.