കോഴിക്കോട്: കൊവിഡ് ബാധിച്ച് ഗുരുതരാവസ്ഥയിലായിരുന്ന യുവ തിരക്കഥാകൃത്ത് ഹരിപ്രസാദ് കൊളേരി അന്തരിച്ചു. കോഴിക്കോട് മെഡിക്കല്‍ കോളജില്‍ ചികിത്സയിലായിരുന്നു.
കഴിഞ്ഞ ഡിസംബര്‍ 16 ന് ആണ് ഹരിപ്രസാദിന് കൊവിഡ് സ്ഥിരീകരിക്കുന്നത്. തുടര്‍ന്ന് കോഴിക്കോട് സ്വകാര്യ ആശുപത്രിയില്‍ ഹരിപ്രസാദിനെ പ്രവേശിപ്പിക്കുകയായിരുന്നു.
ഇതിനിടെ ഗിലന്‍ ബാരി സിന്‍ഡ്രോം രോഗവും ഹരിക്ക് ബാധിക്കുകയായിരുന്നു. ആരോഗ്യം മോശമായതിനെ തുടര്‍ന്ന് ഹരിപ്രസാദിനെ 24 ന് രാത്രി കോഴിക്കോട് മെഡിക്കല്‍ കോളെജില്‍ പ്രവേശിപ്പിക്കുകയായിരുന്നു.
