ബി.ജെ.പിക്കാരെ തൊട്ടാല്‍ കണ്ണ് ചൂഴ്‌ന്നെടുക്കും, കൈ വെട്ടിമാറ്റും; കര്‍ഷകര്‍ക്ക് ബി.ജെ.പി നേതാവിന്റെ ഭീഷണി
ഡൂള്‍ന്യൂസ് ഡെസ്‌ക്
Saturday, 6th November 2021, 5:26 pm
ന്യൂദല്‍ഹി: കര്‍ഷകര്‍ക്ക് നേരെ ഭീഷണിയുമായി ബി.ജെ.പി എം.പി അരവിന്ദ് ശര്‍മ്മ. കഴിഞ്ഞ ദിവസം മുന്‍ മന്ത്രി മനീഷ് ഗ്രോവറെ കര്‍ഷകര്‍ തടഞ്ഞിരുന്നു.
ഇതിന്റെ പശ്ചാത്തലത്തിലാണ് അരവിന്ദ് ശര്‍മ്മയുടെ ഭീഷണി പ്രസംഗം. കാര്‍ഷിക നിയമത്തിനെതിരെ പ്രതിഷേധിക്കുന്നവര്‍ കോണ്‍ഗ്രസുകാരാണെന്നും ബി.ജെ.പി നേതാക്കളെ ‘തൊട്ടാല്‍’ കണ്ണ് ചൂഴ്‌ന്നെടുക്കുമെന്നുമാണ് എം.പിയുടെ ഭീഷണി.
‘മനീഷ് ഗ്രോവറെ ആരെങ്കിലും എതിര്‍ത്താല്‍ അവരുടെ കൈ വെട്ടും, കണ്ണ് ചൂഴ്‌ന്നെടുക്കും,’ എം.പി പറഞ്ഞു.
പാര്‍ട്ടി പൊതുയോഗത്തിനിടെയായിരുന്നു അദ്ദേഹത്തിന്റെ പരാമര്‍ശം.
