ഇന്തോ-ചൈന സംഘര്‍ഷം സിനിമയാകുന്നു; ഉണ്ണി മുകുന്ദനെ നായകനാക്കി മേജര്‍ രവിയുടെ പാന്‍ ഇന്ത്യന്‍ ചിത്രം
എന്റര്‍ടെയിന്‍മെന്റ് ഡെസ്‌ക്
Tuesday, 15th February 2022, 5:32 pm
ഉണ്ണി മകുന്ദനെ നായകനാക്കി വീണ്ടും സൈനിക ചിത്രവുമായി മേജര്‍ രവി. 2020 ജൂണ്‍ മാസത്തില്‍ ഗാല്‍വന്‍ താഴ്‌വരയിലുണ്ടായ ഇന്തോ-ചൈന പട്ടാളക്കാരുടെ സംഘര്‍ഷമാണ് സിനിമയുടെ ഇതിവൃത്തമെന്ന് കാന്‍ചാനല്‍മീഡിയ റിപ്പോര്‍ട്ട് ചെയ്യുന്നു.
ഇത് സംബന്ധിച്ച ചര്‍ച്ചകള്‍ പുരോഗമിക്കുകയാണ്. ഒരു പാന്‍ ഇന്ത്യന്‍ ചലച്ചിത്രമായിരിക്കും ഇത്. മേപ്പടിയാനാണ് ഉണ്ണി മുകുന്ദന്റേതായി അവസാനം പുറത്തിറങ്ങിയ ചിത്രം. ചിത്രത്തില്‍ മേജര്‍ രവി അഭിഭാഷകന്റെ വേഷത്തിലെത്തിയിരുന്നു.
പുനര്‍ജനി, കീര്‍ത്തിചക്ര, മിഷന്‍ 90 ഡെയ്‌സ്, കുരുക്ഷേത്ര, തൂഫാന്‍, കാണ്ഡഹാര്‍, കര്‍മയോദ്ധ, ഒരു യാത്രയില്‍, പിക്കറ്റ് 43, 1971 ബിയോണ്ട് ബോര്‍ഡേഴ്‌സ്, എസ്.ജ് 253 എന്നിവയാണ് ഇതിന് മുമ്പ് മേജര്‍ രവിയുടെ സംവിധാനത്തില്‍ പുറത്തിറങ്ങിയ ചിത്രങ്ങള്‍.
