കോഴിക്കോട്: തീവ്ര ഹിന്ദുത്വ പ്രാചരകനും അന്താരാഷ്ട്ര വിശ്വഹിന്ദു പരിഷത്ത് മുന്‍ നേതാവുമായ പ്രതീഷ് വിശ്വനാഥിനെ സന്ദര്‍ശിച്ച് നടന്‍ ഉണ്ണി മുകുന്ദന്‍. ഫേസ്ബുക്കിലൂടെയാണ് പ്രതീഷ് സന്ദര്‍ശന വിവരം അറിയിച്ചത്.
പ്രതീഷിന്റെ വസതിയിലെത്തിയാണ് ഉണ്ണി മുകുന്ദന്‍ അദ്ദേഹത്തെ കണ്ടത്. ‘ചലച്ചിത്ര താരവും സുഹൃത്തുമായ ഉണ്ണിമുകുന്ദന്‍ വീട്ടിലെത്തിയപ്പോള്‍,’ എന്ന ക്യാപ്ഷനിലായിരുന്നു ഇരുവരും തമ്മിലുള്ള ഫോട്ടോ പ്രതീഷ് ഫേസ്ബുക്കില്‍ പങ്കുവെച്ചത്. 2020ലും ഉണ്ണി മുകുന്ദന്‍ പ്രതീഷിനെ സന്ദര്‍ശിച്ചിരുന്നു. അന്നും ഉണ്ണി മുകുന്ദനൊപ്പമുള്ള ചിത്രം അദ്ദേഹം പങ്കുവെച്ചിരുന്നു.
അതേസമയം, കലാപാഹ്വാനം നടത്തിയതിന് പ്രതീഷ് വിശ്വനാഥിനെതിരെ ഡി.ജി.പിക്ക് കഴിഞ്ഞ ദിവസം പരാതി ലഭിച്ചിരുന്നു. ഹൈക്കോടതി അഭിഭാഷകനും രാജീവ് ഗാന്ധി സ്റ്റഡി സര്‍ക്കിള്‍ സംസ്ഥാന ഇന്‍ ചാര്‍ജുമായ അനൂപ് വി.ആറാണ് പരാതിനല്‍കിയിരുന്നത്.
