വമ്പന്മാര് കൊമ്പു കോര്‍ക്കുന്നു; ചാമ്പ്യന്‍മാരുടെ പോരാട്ടത്തിന് യുവേഫ-കോണ്‍മെബോള്‍ ധാരണ
സ്പോര്‍ട്സ് ഡെസ്‌ക്
Wednesday, 29th September 2021, 9:46 pm
സൂറിച്ച്: ആരാധകരെ ആവേശത്തിലാഴ്ത്താന്‍ ഫുട്‌ബോളില്‍ വമ്പന്‍മാരുടെ പോരാട്ടം. യൂറോകപ്പ് ചാമ്പ്യന്മാരും കോപ്പ അമേരിക്ക ചാമ്പ്യന്മാരും പരസ്പരം ഏറ്റുമുട്ടുന്നു. യുവേഫയും കോണ്‍മെബോളും തമ്മില്‍ നടന്ന ചര്‍ച്ചയുടെ ഭാഗമായാണ് മത്സരം നടത്താന്‍ തീരുമാനമായത്.
2022 ജൂണിലായിരിക്കും വമ്പന്മാര് കൊമ്പു കോര്‍ക്കുന്നത്. കോപ്പ അമേരിക്കയും യൂറോ കപ്പും കഴിഞ്ഞതിന് പിന്നാലെ ഇറ്റലി-അര്‍ജന്റീന പോരാട്ടം നടന്നേക്കുമെന്നുള്ള സൂചനകളും അഭ്യൂഹങ്ങളും ഉയര്‍ന്നിരുന്നു.
ഇംഗ്ലണ്ടിനെ തോല്‍പ്പിച്ചാണ് അസൂറികള്‍ യൂറോപ്പിന്റെ രാജാക്കന്മാരായത്. സൂപ്പര്‍ ക്ലാസിക്കോ പോരാട്ടത്തില്‍ ബ്രസീലിനെ മറുപടിയില്ലാത്ത ഒരു ഗോളിന് കീഴടക്കിയാണ് അര്‍ജന്റീന കോപ്പയില്‍ മുത്തമിട്ടത്.
