കോ​ട്ട​യം: തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നി​ട​യി​ൽ യു​.ഡി​.എ​ഫ്. പ്ര​വ​ർ​ത്ത​ക​ന് സൂ​ര്യാ​ത​പ​മേ​റ്റു. കോ​ട്ട​യം കാ​ഞ്ഞി​ര​പ്പ​ള്ളി​യി​ലെ വി​ഴി​ക്ക​ത്തോ​ട്ടി​ൽ യു​.ഡി​.എ​ഫി​ന്‍റെ തെ​ര​ഞ്ഞെ​ടു​പ്പ് പ്രചാരണത്തിൽ പങ്കെടുത്ത ബൂ​ത്ത് ക​മ്മി​റ്റി വൈ​സ് പ്ര​സി​ഡ​ന്‍റ് തെ​ക്കേ​മു​റി​യി​ൽ രാ​ജേ​ന്ദ്ര​നാ​ണ് തന്റെ ഇടത് കൈക്ക് സൂ​ര്യാ​താ​പ​മേ​റ്റ​ത്. ആഘാതവും ക്ഷീണവും താങ്ങാനാവാതെ രാജേന്ദ്രൻ കുഴഞ്ഞുവീഴുകയായിരുന്നു.

Also Read “റോബേര്‍ട്ട് വാദ്രയെ ജയിലടക്കുമെന്ന് ഞങ്ങള്‍ പറഞ്ഞിട്ടേയില്ല”; അക്കൗണ്ടിലെ 15 ലക്ഷത്തിനു പിന്നാലെ മറ്റൊരു യൂടേണുമായി അമിത് ഷാ

പ്ര​ചാ​ര​ണ​ത്തി​ന്‍റെ ഭാ​ഗ​മാ​യി ഭ​വ​ന സ​ന്ദ​ർ​ശ​നം ന​ട​ത്തു​ന്ന​തി​നി​ട​യി​ൽ സൂ​ര്യാ​ത​പ​മേ​റ്റ് കുഴഞ്ഞുവീണ ഉടൻ തന്നെ രാ​ജേ​ന്ദ്ര​നെ കാ​ഞ്ഞി​ര​പ്പ​ള്ളി സ​ർ​ക്കാ​ർ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പാ​ല​ക്കാ​ട്, തൃ​ശൂ​ർ, മ​ല​പ്പു​റം, കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട്​, തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, കോ​ട്ട​യം, ആ​ല​പ്പു​ഴ, ഇ​ടു​ക്കി, എ​റ​ണാ​കു​ളം ജി​ല്ല​ക​ളി​ൽ ഏ​പ്രി​ൽ ര​ണ്ടു​വ​രെ രണ്ട് മുതൽ മൂന്ന് ഡിഗ്രി വരെ ചൂട് ഉയരാൻ സാധ്യത ഉണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകിയിരുന്നു.

Also Read എഡിറ്റോറിയയിലെ പപ്പു മോന്‍ പ്രയോഗം ജാഗ്രത കുറവ് കൊണ്ട് ഉണ്ടായ പിശക്: തിരുത്തുമെന്ന് പി.എം മനോജ്

ജനങ്ങൾ രാ​വി​ലെ 11 മു​ത​ൽ ഉ​ച്ച​ക​ഴി​ഞ്ഞ് മൂ​ന്നു​വ​രെ നേ​രി​ട്ട് സൂ​ര്യ​പ്ര​കാ​ശം ഏൽക്കാൻ പാടില്ലെന്ന് സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി​യും മു​ന്ന​റി​യി​പ്പ് നല്കുന്നു. അതേസമയം അ​ടു​ത്ത മൂന്ന് ദി​വ​സം തെ​ക്ക​ൻ കേ​ര​ള​ത്തി​ലും ക​ണ്ണൂ​ർ, വ​യ​നാ​ട്, പ​ല​ക്കാ​ട് എന്നീ ജി​ല്ല​ക​ളി​ലും ചെറിയ തോ​തി​ൽ മഴയ്ക്ക് സാ​ധ്യ​ത​യുണ്ടെന്നും കാലാവസ്ഥ നിരീക്ഷണ കേന്ദ്രം പറയുന്നുണ്ട്. ഇതുവരെ ഏറ്റവും കൂടുതൽ ചൂട് രേഖപ്പെടുത്തിയത് പാലക്കാടാണ്.