കേരളത്തില്‍ 122 നിയമസഭ സീറ്റുകളില്‍ യു.ഡി.എഫ് മുന്നില്‍; എല്‍.ഡി.എഫിന് മുന്നേറ്റം 17 മണ്ഡലങ്ങളില്‍ മാത്രം; കണക്കുകള്‍ ഇങ്ങനെ
ഡൂള്‍ന്യൂസ് ഡെസ്‌ക്
Thursday, 23rd May 2019, 9:36 pm
തിരുവനന്തപുരം: ലോക്‌സഭ തെരഞ്ഞെടുപ്പ് ഫലം പുറത്തുവരുമ്പോള്‍ കേരളത്തിലെ ഇടതുപക്ഷ പാര്‍ട്ടികള്‍ക്ക് ആശങ്കയുളവാക്കുന്നതാണ്. സംസ്ഥാനത്തെ 20 ലോകസഭ മണ്ഡലങ്ങളിലായി 140 നിയമസഭ മണ്ഡലങ്ങളില്‍ 122 സീറ്റുകളിലും മുന്നിലെത്തിയത് യു.ഡി.എഫ് ആണ.
17 മണ്ഡലങ്ങളില്‍ മാത്രമാണ് എല്‍.ഡി.എഫിന് മുന്നിലെത്താനായത്. ഒ.രാജഗോപാല്‍ വിജയിച്ച നേമം മണ്ഡലത്തില്‍ മാത്രമാണ് എന്‍.ഡി.എക്ക് മുന്നേറ്റം ഉണ്ടാക്കാന്‍ കഴിഞ്ഞത്.
ഇതില്‍ വയനാട്, കോഴിക്കോട്, മലപ്പുറം, പൊന്നാനി, ആലത്തൂര്‍, തൃശ്ശൂര്‍, ചാലക്കുടി, എറണാകുളം, ഇടുക്കി, മാവേലിക്കര, കൊല്ലം എന്നീ ലോക്‌സഭ മണ്ഡലങ്ങളിലെ മുഴുവന്‍ നിയമസഭ സീറ്റിലും യു.ഡി.എഫിനാണ് മുന്നേറ്റം.
