ലഡാക്കില്‍ നിന്ന് ചൈനയെ തുരത്താന്‍ കഴിയാത്തവരാണ് ഞാന്‍ കാര്‍ഗിലില്‍ പ്രവേശിക്കുന്നത് വിലക്കുന്നത്: ഒമര്‍ അബ്ദുള്ള
ഡൂള്‍ന്യൂസ് ഡെസ്‌ക്
Tuesday, 1st November 2022, 1:20 pm
ശ്രീനഗര്‍: കാര്‍ഗില്‍ സന്ദര്‍ശിക്കുന്നതില്‍ നിന്ന് ലഡാക്കിലെ അധികാരികള്‍ തന്നെ തടയാന്‍ ശ്രമിച്ചുവെന്ന് നാഷണല്‍ കോണ്‍ഫറന്‍സ് നേതാവും ജമ്മു കശ്മീര്‍ മുന്‍ മുഖ്യമന്ത്രിയുമായ ഒമര്‍ അബ്ദുള്ള.
‘അവര്‍ എന്നോട് ഇങ്ങോട്ട് വരരുതെന്ന് പറഞ്ഞു. കിഴക്കന്‍ ലഡാക്കിലേക്ക് ചൈന പ്രവേശിച്ചിരിക്കുന്നു. നിങ്ങള്‍ക്ക് അവരെ തടയാന്‍ കഴിയുന്നില്ല. നിങ്ങള്‍ക്ക് അവരെ തിരിച്ചയക്കാന്‍ കഴിയുന്നില്ല. ഞങ്ങള്‍ ശ്രീനഗറില്‍ നിന്ന് ഡ്രാസ് വഴി കാര്‍ഗിലിലേക്ക് പോകുക മാത്രമാണ് ചെയ്യുന്നത്. ടൗണ്‍ പിടിച്ചെടുക്കുകയല്ല.’ തിങ്കളാഴ്ച ഡ്രാസില്‍ നടന്ന സമ്മേളനത്തില്‍ ഒമര്‍ അബ്ദുള്ള പറഞ്ഞു.
പൊതുജനങ്ങളെ അംഭിസംബോധന ചെയ്യാനോ ഡ്രാസിലെ ഡാക് ബംഗ്ലാവ് സൗകര്യം ഉപയോഗിക്കാനോ അനുമതി നല്‍കിയില്ലെന്നും ഒമര്‍ അബ്ദുള്ള ആരോപിച്ചു.
