പരിക്ക് നമുക്കറിയാവുന്നതിനേക്കാള്‍ ഗുരുതരം, മറ്റ് മത്സരങ്ങളെയോര്‍ത്ത് ആശങ്ക; രോഹിത് ശര്‍മയുടെ പരിക്കിനെ കുറിച്ച് ഗവാസ്‌കര്‍
സ്പോര്‍ട്സ് ഡെസ്‌ക്
Wednesday, 7th December 2022, 7:12 pm
ഇന്ത്യ-ബംഗ്ലാദേശ് പരമ്പരയിലെ രണ്ടാം മത്സരത്തിനിടെ ഇന്ത്യന്‍ നായകന്‍ രോഹിത് ശര്‍മക്ക് പരിക്കേറ്റതില്‍ ആശങ്കയറിയിച്ച് മുന്‍ ഇന്ത്യന്‍ താരവും ക്രിക്കറ്റ് ലെജന്‍ഡുമായ സുനില്‍ ഗവാസ്‌കര്‍. താരത്തിന്റെ പരിക്ക് നമുക്കറിയാവുന്നതിനേക്കാള്‍ ഗുരുതരമാണെന്നും പരമ്പരയിലെ മറ്റ് മത്സരങ്ങളെയോര്‍ത്ത് ആശങ്കയുണ്ടെന്നും അദ്ദേഹം പറഞ്ഞു.
‘പരിക്കേറ്റതിന് ശേഷം അദ്ദേഹത്തെ മൈതാനത്ത് കളിക്കാനിറങ്ങാത്തത് വലിയ തോതിലുള്ള ആശങ്ക സൃഷ്ടിക്കുന്നുണ്ട്. അതായത് രോഹിത്തിന്റെ പരിക്ക് നമ്മള്‍ ചിന്തിക്കുന്നതിനേക്കാള്‍ ഗുരുതരമാണെന്നതാണ് ആശങ്കക്കിടയാക്കുന്നത്.
നമുക്കിനിയും ഒരു ഏകദിനവും രണ്ട് ടെസ്റ്റ് മത്സരങ്ങളും കളിക്കാനുണ്ട്. അതുകൊണ്ട് ഒരു മുന്‍കരുതല്‍ എന്ന നിലയിലാവും ഈ മത്സരത്തില്‍ അവനെ ബാറ്റ് ചെയ്യാനിറക്കാത്തത്,’ ഗവാസ്‌കര്‍ പറയുന്നു.
