ഹരിയാനയില്‍ ഗണേശ വിഗ്രഹ നിമജ്ജനത്തിനിടെ ആറ് പേര്‍ മുങ്ങിമരിച്ചു
ഡൂള്‍ന്യൂസ് ഡെസ്‌ക്
Saturday, 10th September 2022, 5:16 pm
ന്യൂദല്‍ഹി: ഹരിയാനയിലെ മഹേന്ദര്‍ഗഡ്, സോനിപത് ജില്ലകളില്‍ വെള്ളിയാഴ്ച വൈകുന്നേരം ഗണേശോത്സവത്തിന്റെ ഭാഗമായി ഗണേശ വിഗ്രഹങ്ങള്‍ നിമജ്ജനം ചെയ്യുന്നതിനിടെ ആറ് പേര്‍ മുങ്ങിമരിച്ചു.
മഹേന്ദര്‍ഗഡിലെ കനാലില്‍ ഗണേശ വിഗ്രഹ നിമജ്ജനത്തിനിടെ നാല് യുവാക്കളാണ് മുങ്ങിമരിച്ചത്. സോനിപത്തിലെ യമുന നദിയില്‍ രണ്ട് പേരും മുങ്ങിമരിച്ചു.
ഏഴടിയോളം ഉയരമുള്ള വിഗ്രഹം നിമജ്ജനത്തിനായി കൊണ്ടുപോകുന്നതിനിടെയാണ് ഒമ്പത് യുവാക്കള്‍ മഹേന്ദര്‍ഗഡിലെ കനാലില്‍ ഒഴുക്കില്‍പ്പെട്ടത്. തുടര്‍ന്ന് ജില്ലാ ഭരണകൂടം എന്‍.ഡി.ആര്‍.എഫിന്റെ സഹായത്തോടെ രക്ഷാപ്രവര്‍ത്തനം നടത്തുകയായിരുന്നു. നാല് പേര്‍ മരിക്കുകയും മറ്റുള്ളവരെ രക്ഷപ്പെടുത്തി ആശുപത്രിയില്‍ പ്രവേശിപ്പിക്കുകയും ചെയ്യുകയായിരുന്നു.
