മാസ്‌ക് ധരിച്ചാല്‍ എങ്ങനെ ബ്യൂട്ടി പാര്‍ലറില്‍ പോകും?; അസമില്‍ കൊവിഡ് ഇല്ലേയില്ല: സത്യപ്രതിജ്ഞയ്ക്ക് പിന്നാലെ അസം മുഖ്യമന്ത്രിയെ ട്രോളി സിദ്ധാര്‍ത്ഥ്
ഡൂള്‍ന്യൂസ് ഡെസ്‌ക്
Tuesday, 11th May 2021, 7:57 am
ന്യൂദല്‍ഹി: അസം മുഖ്യമന്ത്രിയായി കഴിഞ്ഞ ദിവസം സത്യപ്രതിജ്ഞ ചെയ്ത ഹിമന്ത ബിശ്വ ശര്‍മ്മയെ പരിഹസിച്ച് നടന്‍ സിദ്ധാര്‍ത്ഥ്. ഹിമന്തയുടെ പഴയൊരു പ്രസ്താവന ട്വീറ്റ് ചെയ്തായിരുന്നു സിദ്ധാര്‍ത്ഥ് രംഗത്തെത്തിയത്.
‘മാസ്‌ക് ധരിച്ചാല്‍ എങ്ങനെ ബ്യൂട്ടി പാര്‍ലറില്‍ പോകും. അസമില്‍ കൊവിഡ് ഇല്ല- അസം മുഖ്യമന്ത്രി,’ സിദ്ധാര്‍ത്ഥ് ട്വിറ്ററിലെഴുതി. അസം മുഖ്യമന്ത്രിയായി ഹിമന്ത ബിശ്വ ശര്‍മ്മ സത്യപ്രതിജ്ഞ ചെയ്തതിന് തൊട്ടുപിന്നാലെയായിരുന്നു സിദ്ധാര്‍ത്ഥിന്റെ ട്വീറ്റ്.
ഇക്കഴിഞ്ഞ ഏപ്രിലിലായിരുന്നു വിവാദ പ്രസ്താവനയുമായി ഹിമന്ത ബിശ്വ ശര്‍മ്മ രംഗത്തെത്തിയത്. അസമില്‍ കൊവിഡ് ഇല്ല. അതുകൊണ്ട് തന്നെ ഇനി മുതല്‍ മാസ്‌ക് ധരിക്കേണ്ട. മാസ്‌ക് ധരിക്കേണ്ട ആവശ്യം വന്നാല്‍ ജനങ്ങളെ അറിയിക്കാം. അപ്പോള്‍ ധരിച്ചാല്‍ മതിയെന്നായിരുന്നു ഹിമന്ത പറഞ്ഞത്.
