ശബരിമല വിഷയം; തിങ്കളാഴ്ച കേരളത്തില്‍ ശിവസേന ഹര്‍ത്താല്‍
ഡൂള്‍ന്യൂസ് ഡെസ്‌ക്
Saturday, 29th September 2018, 2:18 pm
തിരുവനന്തപുരം: തിങ്കളാഴ്ച കേരളത്തില്‍ ശിവസേന ഹര്‍ത്താലിന് ആഹ്വാനം ചെയ്തു. ശബരിമലയിലെ സ്ത്രീപ്രവേശനവുമായി ബന്ധപ്പെട്ടുള്ള സുപ്രീംകോടതി വിധിയില്‍ പ്രതിഷേധിച്ചാണ് ഹര്‍ത്താല്‍. രാവിലെ ആറ് മുതല്‍ വൈകീട്ട് ആറ് വരെയാണ് ഹര്‍ത്താല്‍.
ശബരിമലയിലെ ആചാരാനുഷ്ഠാനങ്ങള്‍ നിലവിലേത് പോലെ നിലനിര്‍ത്തണം എന്നതാണ് ശിവസേന ഉയര്‍ത്തുന്ന ആവശ്യം. മറ്റ് ഹിന്ദുസംഘടനകളും ഹര്‍ത്താലില്‍ സഹകരിക്കുമെന്ന് ശിവസേന നേതാക്കള്‍ തിരുവനന്തപുരത്ത് പത്രസമ്മേളനത്തില്‍ പറഞ്ഞു.
വിധി പുനപരിശോധിക്കാന്‍ സുപ്രീംകോടതിയില്‍ ഹരജി നല്‍കും എന്നും ശിവസേന നേതാക്കള്‍ പറഞ്ഞു.
ആര്‍.എസ്.എസ് ശബരിമലയിലെ സ്ത്രീപ്രവേശനത്തെ അനുകൂലിക്കുന്ന നിലപാടാണ് സ്വീകരിച്ചത്. ഇത് മറ്റ് അജണ്ടകള്‍ ഉള്ളത് കൊണ്ടാണെന്നാണ് ശിവസേന ആരോപിക്കുന്നത്.
അവസരം മുതലെടുക്കാനുള്ള ശിവസേനയുടെ ശ്രമമായാണ് പലരും ഹര്‍ത്താലിനെ വിലയിരുത്തുന്നത്.