വമ്പന്‍ പ്രൊജക്ടുമായി യഷ് രാജ് സ്‌പൈ യൂണിവേഴ്സ്; പത്താനും ടൈഗറും നേര്‍ക്കുനേര്‍
എന്റര്‍ടെയിന്‍മെന്റ് ഡെസ്‌ക്
Thursday, 6th April 2023, 3:04 pm
ഇന്ത്യയിലെ ഏറ്റവും വലിയ രണ്ട് താരങ്ങളായ ഷാരൂഖ് ഖാനും സല്‍മാന്‍ ഖാനും തമ്മില്‍ ഏറ്റുമുട്ടുന്ന യഷ് രാജ് ഫിലിംസിന്റെ സ്‌പൈ യൂണിവേഴ്സ് ഫ്രാഞ്ചൈസി വരുന്നു. വരാനിരിക്കുന്ന ഭാഗത്തിന്റെ പേര് ടൈഗര്‍ വേഴ്‌സസ് പത്താന്‍ എന്നാണ്. പത്താന്‍ സംവിധായകന്‍ സിദ്ധാര്‍ത്ഥ് ആനന്ദാണ് ചിത്രം സംവിധാനം ചെയ്യുന്നത്.
ജനുവരിയില്‍ തിയേറ്ററുകളില്‍ എത്തിയ ഷാരൂഖ് ഖാന്റെ പത്താനില്‍ സല്‍മാന്‍ ഖാന്റെ ടൈഗര്‍ എത്തിയിരുന്നു. ഷാരൂഖ് ഖാന്‍ ചിത്രത്തില്‍ സൂപ്പര്‍ ഏജന്റ് പത്താന്‍ എന്ന കഥാപാത്രമായും സല്‍മാന്‍ഖാന്‍ ടൈഗര്‍ എന്ന കഥാപാത്രവുമായാണ് വേഷമിടുക.
1995ലെ ഫാന്റസി ആക്ഷന്‍ ചിത്രമായ കരണ്‍ അര്‍ജുനില്‍ ഷാരൂഖ് ഖാനും സല്‍മാന്‍ ഖാനും ഒരുമിച്ച് അഭിനയിച്ചുവെങ്കിലും പിന്നീട് ഒരു സിനിമയിലും മുഴുനീള വേഷത്തില്‍ ഒരുമിച്ച് പ്രത്യക്ഷപ്പെട്ടിട്ടില്ലായിരുന്നു.
