മുംബൈ: ബിഗ് ബോസ് മലയാളം സീസണ്‍ വണ്ണിലെ വിജയി ആയ സാബു മോന് ഫ്‌ളാറ്റിന് പുറമേ രണ്ട് കിടിലന്‍ സര്‍പ്രെസും ബിഗ് ബോസ് ഒരുക്കിയിരുന്നു. സംവിധായകന്‍ ലിജോ ജോസ് പെല്ലിശ്ശേരിയുടെ പുതിയ സിനിമയായ ജെല്ലികെട്ടിലും വിജയ് ബാബു നിര്‍മ്മിക്കുന്ന പുതിയ ചിത്രത്തിലും രണ്ട് കിടിലന്‍ വേഷങ്ങളാണ് സാബുവിനായി കാത്തിരിക്കുന്നത്.
ബിഗ് ബോസ് ഗ്രാന്റ് ഫിനാലെയില്‍ നേരിട്ട് എത്തിയായിരുന്നു ഇരുവരുടെയും പ്രഖ്യാപനം. ഒരു കോടിയിലധികം വോട്ടുകള്‍ നേടിയാണ് സാബു മോന് ബിഗ് ബോസിലെ വിജയിയായത്.
Also Read വില്ലനായി വന്ന് ഹീറോയായി മടക്കം; സാബു മോന് അഭിനന്ദന പ്രവാഹം
കോണ്‍ഫിഡന്റ് ഗ്രൂപ്പ് നല്‍കുന്ന ഒരു കോടി രൂപയുടെ ഫ്ളാറ്റാണ് ഒന്നാം സമ്മാനം. പേളി മാണിയാണ് റണ്ണര്‍ അപ്പ്. ബിഗ് ബോസിലെ മത്സരാര്‍ത്ഥികളില്‍ ശ്വേതാ മേനോനും ശ്രീലക്ഷ്മിയും ഒഴികെ മുഴുവന്‍ ആളുകളും ഫിനാലെയില്‍ മത്സരാര്‍ത്ഥികള്‍ക്ക് ആശംസകളുമായി എത്തി.
സാബു, ഷിയാസ് കരീം, പേളി മാണി, സുരേഷ്, ശ്രീനിഷ് അരവിന്ദ് എന്നിവരായിരുന്നു ഫൈനലില്‍ എത്തിയത്. വിവിധ മേഖലകളിലുള്ള പ്രശസ്തരായ വ്യക്തികളെ ഒരു വീട്ടില്‍ 100 ദിവസം താമസിപ്പിച്ചായിരുന്നു മത്സരം.