ന്യൂദല്‍ഹി : മലേഗാവ് സ്‌ഫോടനക്കേസിലെ മുഖ്യപ്രതിയും ബി.ജെ.പി സ്ഥാനാര്‍ത്ഥിയുമായ പ്രജ്ഞാ സിങ് ഠാക്കൂറിന്റെ വീഡിയോ ഷെയര്‍ ചെയ്ത് വോട്ടര്‍മാര്‍ക്ക് നിര്‍ദേശവുമായി പ്രിയങ്കാ ഗാന്ധിയുടെ ഭര്‍ത്താവും ബിസിനസുകാരനുമായ റോബര്‍ട്ട് വദ്ര.
ഓരോ വോട്ടും വിവേകത്തോടെയും ബുദ്ധിപൂര്‍വവും ഉപയോഗിക്കണമെന്ന് ആവശ്യപ്പെട്ട് പശുവിനെ തലോടി അതിന്റെ ഗുണഗണങ്ങള്‍ വിവരിക്കുന്ന പ്രഞ്ഞ സിങ്ങിന്റെ വീഡിയോ ഷെയര്‍ ചെയ്യുകയായിരുന്നു വദ്ര.
” ഈ മഹത്തായ രാഷ്ട്രത്തിന്റെ ഭാവിക്ക് വേണ്ടി ഞാന്‍ പ്രാര്‍ത്ഥിക്കുകയാണ്. വരുംതലമുറയുടെ ഭാവി കൂടി നമ്മുടെ കൈകളിലാണ്. നിങ്ങളുടെ ഓരോ വോട്ടും വിവേകത്തോടെ ഉപയോഗിക്കുക. നമുക്ക് മുന്നോട്ടാണ് പോകേണ്ടത്. പിറകോട്ടല്ല”- വദ്ര ട്വിറ്ററില്‍ കുറിച്ചു.
ഗോമാതാവിന്റെ പുറകുവശത്ത് നിന്ന് അതിന്റെ കഴുത്ത് വരെ തടവികൊടുത്താല്‍ അതിന് സന്തോഷമാവുമെന്നും എല്ലാ ദിവസവും അങ്ങനെ ചെയ്താല്‍ ആളുകളുടെ രക്തസമ്മര്‍ദ്ദം നിയന്ത്രണത്തിലാവുമെന്നും പ്രജ്ഞാ സിങ് പറയുന്ന വീഡിയോയായിരുന്നു വദ്ര ഷെയര്‍ ചെയ്തത്.
Well … what can I say !!
I pray for the future of this great nation .
The future of our next generation is in our hands. Use your vote sensibly.
Let’s move forward not backward. pic.twitter.com/slpFIjjwao— Robert Vadra (@irobertvadra) May 3, 2019
ഗോമൂത്രം കുടിച്ചാണ് തന്റെ കാന്‍സര്‍ മാറിയതെന്നും മെഡിക്കല്‍ സയന്‍സ് കണ്ടെത്തിയ മരുന്നുകളേക്കാള്‍ ശക്തി പശു ഉത്പ്പന്നങ്ങള്‍ക്ക് ഉണ്ടെന്നുമുള്ള പ്രജ്ഞ സിങ്ങിന്റെ വാദത്തെ തള്ളിക്കൊണ്ടായിരുന്നു വദ്രയുടെ ട്വീറ്റ്.
