സ്പോര്‍ട്സ് ഡെസ്‌ക്25 min
ആരാധകരെ ഒന്നടങ്കം ഞെട്ടിച്ചാണ് രാജസ്ഥാന് റോയല്‍സ് ഐ.പി.എല്‍ 2025ന് മുന്നോടിയായുള്ള റിറ്റെന്‍ഷന്‍ ലിസ്റ്റ് പ്രഖ്യാപിച്ചത്. സഞ്ജുവും ജെയ്‌സ്വാളും പരാഗും നിലനിര്‍ത്തുന്ന താരങ്ങളുടെ പട്ടികയിലുണ്ടാകുമെന്ന് ഉറപ്പിച്ച ആരാധകര്‍ക്ക് അണ്‍ക്യാപ്ഡ് താരത്തെ കുറിച്ചും കണക്കുകൂട്ടലുകളുണ്ടായിരുന്നു.
എന്നാല്‍ ആരാധകരെ ഒന്നടങ്കം അമ്പരപ്പിച്ചാണ് ധ്രുവ് ജുറെലിനെ രാജസ്ഥാന് നിലനിര്‍ത്തിയത്. ഏറെ സസ്‌പെന്‍സിന് ശേഷം അവസാന നിമിഷമാണ് ജുറെലിന്റെ കാര്യത്തില്‍ തീരുമാനമായത്. ജോസ് ബട്‌ലറിനും ആര്‍. അശ്വിനും യൂസി ചഹലിനും മുകളിലായി ജുറെല്‍ റിറ്റെന്‍ഷന്‍ ലിസ്റ്റില്‍ ഇടം നേടിയത് ആരാധകരെ സംബന്ധിച്ചും സര്‍പ്രൈസായി.
Your Royals of 2025. Built. Assembled. RReady! 💗🔥 pic.twitter.com/omIXIDQsF6
— Rajasthan Royals (@rajasthanroyals) November 25, 2024
എന്നാല്‍ യൂസ്വേന്ദ്ര ചഹലിനെ നിലനിര്‍ത്താന്‍ രാജസ്ഥാന് റോയല്‍സിന് ആഗ്രഹമുണ്ടായിരുന്നെന്നും എന്നാല്‍ ആ ഡീലില്‍ സൂപ്പര്‍ സ്പിന്നര്‍ താത്പര്യം കാണിച്ചില്ലെന്നുമുള്ള റിപ്പോര്‍ട്ടുകള്‍ പുറത്തുവരികയാണ്. പ്രമുഖ കായികമാധ്യമമായ മൈഖേലാണ് ഇക്കാര്യം റിപ്പോര്‍ട്ട് ചെയ്യുന്നത്.
റോയല്‍സിന് ആഗ്രഹമുണ്ടായിരുന്നു. സഞ്ജു ചഹലിനെ ബന്ധപ്പെടുകയും ബൗളിങ് യൂണിറ്റിനൊപ്പം വേണമെന്ന് ആവശ്യപ്പെടുകയും ചെയ്തിരുന്നു. എന്നാല്‍ രാജസ്ഥാനില്‍ തുടരാന്‍ ചഹല്‍ താല്‍പര്യം കാണിച്ചിരുന്നില്ല.
Family 🫂💗 @yuzi_chahal pic.twitter.com/ph91RRh4ui
— Rajasthan Royals (@rajasthanroyals) November 27, 2024
വ്യക്തിപരമായ കാരണങ്ങളാലാണ് ചഹല്‍ ടീം വിട്ടതെന്നാണ് റിപ്പോര്‍ട്ട് പറയുന്നത്. പ്രധാനമായും ഇതിന് രണ്ട് കാരണങ്ങളാണ് മൈഖേല്‍ ചൂണ്ടിക്കാട്ടുന്നത്.
ഒന്ന്, താരലേലത്തില്‍ പങ്കെടുത്താല്‍ തനിക്ക് ഉയര്‍ന്ന തുക ലഭിച്ചേക്കുമെന്ന് ചഹല്‍ കണക്കുകൂട്ടിയിരുന്നു. ചഹലിന്റെ പ്രതീക്ഷ തെറ്റിക്കാത്ത വന്‍ തുക നല്‍കി പഞ്ചാബ് കിങ്‌സ് താരത്തെ സ്വന്തമാക്കി.
Tu kheech meri photo, Tu kheech meri photo. 🖼️♥️#YuzvendraChahal #IPL2025Auction #PunjabKings pic.twitter.com/MDUN6Rz4aq
— Punjab Kings (@PunjabKingsIPL) November 24, 2024
18 കോടിയാണ് പഞ്ചാബ് ചഹലിനായി ചെലവഴിച്ചത്. ഐ.പി.എല്ലിന്റെ ചരിത്രത്തില്‍ ഒരു സ്പിന്നര്‍ക്ക് ലഭിക്കുന്ന ഏറ്റവും ഉയര്‍ന്ന തുകയാണിത്. ഒരു ഇന്ത്യന്‍ ബൗളര്‍ സ്വന്തമാക്കുന്ന ഏറ്റവും ഉയര്‍ന്ന തുകയെന്ന റെക്കോഡും ഇതോടെ ചഹല്‍ സ്വന്തമാക്കി.
രണ്ടാമത് കാരണം രാജസ്ഥാന്റെ പരിശീലകനായുള്ള രാഹുല്‍ ദ്രാവിഡിന്റെ വരവാണ് എന്നും റിപ്പോര്‍ട്ട് പറയുന്നു. ചഹലും ദ്രാവിഡും തമ്മില്‍ പ്രത്യക്ഷത്തില്‍ പ്രശ്‌നങ്ങളൊന്നും തന്നെയില്ലെങ്കിലും ദ്രാവിഡിന് കീഴില്‍ തനിക്ക് അവസരം കുറയുമോ എന്ന പേടി താരത്തിനുണ്ടായിരുന്നു.
ദ്രാവിഡ് ഇന്ത്യന്‍ പരിശീലകനായിരുന്നപ്പോള്‍ ചഹലിന് വേണ്ടത്ര അവസരങ്ങള്‍ ലഭിച്ചിരുന്നില്ല. ഇത് രാജസ്ഥാനിലും ആവര്‍ത്തിക്കുമോ എന്ന ഭയം താരത്തിനുണ്ടായിരുന്നതായും റിപ്പോര്‍ട്ട് അവകാശപ്പെടുന്നു.
ചഹലിനൊപ്പം അശ്വിനെയും രാജസ്ഥാന് നഷ്ടമായിരുന്നു. അശ്വിനെ തിരികെ കൊണ്ടുവരാന്‍ രാജസ്ഥാന് ചെന്നൈ സൂപ്പര്‍ കിങ്‌സുമായി വാശിയേറിയ ബിഡ്ഡിങ് നടത്തിയെങ്കിലും 9.75 കോടിക്ക് ചെന്നൈ സൂപ്പര്‍ താരത്തെ സ്വന്തമാക്കുകയായിരുന്നു.
ഇവര്‍ക്ക് പകരക്കാരായി മികച്ച സ്പിന്നര്‍മാരെ ലേലത്തില്‍ സ്വന്തമാക്കാനും രാജസ്ഥാന് സാധിച്ചു. സൂപ്പര്‍ ഓള്‍ റൗണ്ടര്‍ വാനിന്ദു ഹസരങ്കയെയും മഹീഷ് തീക്ഷണയെയും സ്വന്തമാക്കിയ രാജസ്ഥാന് കുമാര്‍ കാര്‍ത്തികേയയെയും സവായ് മാന്‍സിങ് സ്റ്റേഡിയത്തിലെത്തിച്ചു.
Rajasthan ke Royals, ab aapke naam. 💗 pic.twitter.com/zl00x9pXft
— Rajasthan Royals (@rajasthanroyals) November 28, 2024
ബാറ്റര്‍മാര്‍
നിതീഷ് റാണ
ശുഭം ദുബെ
ഷിംറോണ്‍ ഹെറ്റ്മെയര്‍
യശസ്വി ജെയ്സ്വാള്‍
റിയാന്‍ പരാഗ്
ഓള്‍റൗണ്ടര്‍മാര്‍
വാനിന്ദു ഹസരങ്ക
വൈഭവ് സൂര്യവംശി
വിക്കറ്റ് കീപ്പര്‍മാര്‍
സഞ്ജു സാംസണ്‍
ധ്രുവ് ജുറെല്‍
കുണാല്‍ സിങ് റാത്തോഡ്
ബൗളര്‍മാര്‍
ജോഫ്രാ ആര്‍ച്ചര്‍
മഹീഷ് തീക്ഷണ
ആകാശ് മധ്വാള്‍
കുമാര്‍ കാര്‍ത്തികേയ
തുഷാര്‍ ദേശ്പാണ്ഡേ
ഫസല്‍ഹഖ് ഫാറൂഖി
ക്വേന മഫാക്ക
അശോക് ശര്‍മ
സന്ദീപ് ശര്‍മ
യുദ്ധ്‌വീര്‍ സിങ്
Content Highlight: Reports says Rajasthan Royals wanted to keep Yuzvendra Chahal, but he was not interested
