മാര്‍ച്ച് 26ന് ഐ.പി.എല്ലിന്റെ പുതിയ സീസണ്‍ തുടങ്ങാനിരിക്കെ രാജസ്ഥാന്‍ നായകന്‍ സഞ്ജുവിനെ കുറിച്ച് ഇന്ത്യന്‍ സൂപ്പര്‍ താരം ആര്‍. അശ്വിന്‍. അന്താരാഷ്ട്ര ക്രിക്കറ്റില്‍ സഞ്ജുവിന്റെ സമയം തുടങ്ങാനിരിക്കുന്നതേയുള്ളൂ എന്നായിരുന്നു അശ്വിന്‍ പറഞ്ഞത്.
രാജസ്ഥാന്‍ റോയല്‍സ് ട്വിറ്ററില്‍ പങ്കുവെച്ച വീഡിയോയിലാണ് അശ്വിന്‍ ഇക്കാര്യം പറയുന്നത്.
‘സഞ്ജു എനിക്കെന്റെ അനുജനെ പോലെയാണ്. അവന്‍ കേരളത്തില്‍ നിന്നും ഞാന്‍ തമിഴ്‌നാട്ടില്‍ നിന്നുമാണ്. അവന്‍ ധാരാളം തമിഴ് സിനിമകള്‍ കാണാറുണ്ട്, ഞാനും. നിങ്ങള്‍ സൗത്ത് ഇന്ത്യയില്‍ നിന്നുമാണെങ്കില്‍ സിനിമയേക്കാള്‍ വലിയൊരു കണക്ടിംഗ് ഫാക്ടര്‍ വേറെ ഉണ്ടാവുകയില്ല.
Teammates on the field. Brothers off it. 💗#RoyalsFamily | @ashwinravi99 | @IamSanjuSamson pic.twitter.com/BehOgxXdBi
— Rajasthan Royals (@rajasthanroyals) March 12, 2022
ഞങ്ങള്‍ തമ്മില്‍ മികച്ച ബന്ധമാണുള്ളത്. അവന്‍ എന്നെ പേരു പോലും വിളിക്കാറില്ല, അണ്ണാ എന്നാണ് അവന്‍ എന്നെ വിളിക്കാറുള്ളത്.
