കള്ളപ്പണം വെളുപ്പിക്കല്‍; യു.പി മുന്‍മന്ത്രിക്കെതിരെ കുറ്റപത്രം സമര്‍പ്പിച്ച് ഇ.ഡി
ഡൂള്‍ന്യൂസ് ഡെസ്‌ക്
Friday, 9th April 2021, 8:36 am
ലഖ്നൗ: ഉത്തര്‍പ്രദേശ് മുന്‍ മന്ത്രി ഗായത്രി പ്രജാപതിക്കെതിരെ എന്‍ഫോഴ്സ്മെന്റ് ഡയറക്ടറേറ്റ് ആദ്യ കുറ്റപത്രം സമര്‍പ്പിച്ചു. പ്രജാപതിയുടെയും കുടുംബാംഗങ്ങളുടെയും 55 കോടിയിലധികം വിലമതിക്കുന്ന 60 വസ്തുക്കളും 50 ഓളം ബാങ്ക് അക്കൗണ്ടുകളും ജപ്തി ചെയ്തതായി അധികൃതര്‍ അറിയിച്ചു.
മൊത്തം 3.5 കോടി ബാലന്‍സുള്ള 57 ബാങ്ക് അക്കൗണ്ടുകളും 33.45 കോടി രൂപ വിലമതിക്കുന്ന 60 സ്ഥാവര വസ്തുക്കളും താല്‍ക്കാലികമായി ജപ്തി ചെയ്തതായും ഇ.ഡിയുടെ ലഖ്നൗ സോണല്‍ ഓഫീസ് അറിയിച്ചു.
