തെരഞ്ഞെടുപ്പ് അടുത്തു; പാചക വാതക സിലിണ്ടറുകള്‍ക്ക് വില കുറച്ചു
ഡൂള്‍ന്യൂസ് ഡെസ്‌ക്
Wednesday, 31st March 2021, 11:45 pm
ന്യൂദല്‍ഹി: വിവിധ സംസ്ഥാനങ്ങളിലേക്കുള്ള തെരഞ്ഞെടുപ്പ് അടുത്തിരിക്കെ പാചക വാതക സിലിണ്ടറുകള്‍ക്കുള്ള വില കുറച്ചു. 10 രൂപയാണ് സിലിണ്ടറിന് കുറച്ചിരിക്കുന്നത്. ഇതോടെ 819 രൂപ ആയിരുന്ന സിലിണ്ടര്‍ വില 809 രൂപയായി താഴ്ന്നു.
ഏപ്രില്‍ ഒന്ന് മുതല്‍ പുതിയ നിരക്കില്‍ സിലിണ്ടറുകള്‍ ലഭ്യമായി തുടങ്ങും. നേരത്തെ മാര്‍ച്ച് ഒന്നിന് സിലിണ്ടറിന് 25 രൂപ വര്‍ധിപ്പിച്ചിരുന്നു. ഫെബ്രുവരിയില്‍ മൂന്ന് തവണ പാചകവാതക സിലിണ്ടറിന്റെ വില വര്‍ധിപ്പിച്ചിരുന്നു.
