ഇതില്‍ കടുത്ത പ്രതിഷേധം നിലനില്‍ക്കെയാണു കൂടുതല്‍പ്പേര്‍ കത്തുമായി രംഗത്തെത്തിയത്. ഇന്നലെയാണ് ഇവര്‍ കത്തെഴുതിയത്. പുതിയ കത്തില്‍ പറയുന്ന കാര്യങ്ങളിങ്ങനെ-
‘കേസെടുത്ത 49 സാംസ്‌കാരിക പ്രവര്‍ത്തകര്‍ അവരുടെ കടമ മാത്രമാണു നിര്‍വഹിച്ചത്. രാജ്യത്തു വര്‍ധിച്ചുവരുന്ന ആള്‍ക്കൂട്ട ആക്രമണത്തില്‍ ആശങ്ക അറിയിക്കുകയായിരുന്നു അവരുടെ ലക്ഷ്യം. അതിനെ എങ്ങനെയാണ് രാജ്യദ്രോഹക്കുറ്റമായി കാണാന്‍ കഴിയുക? കോടതികളെ ദുരുപയോഗിച്ച് പൗരന്മാരുടെ അഭിപ്രായ സ്വാതന്ത്ര്യത്തെ ഹനിക്കാനുള്ള ശ്രമമാണോ ഇത്?’
അശോക് വാജ്‌പേയി, ജെറി പിന്റോസ ഇറാ ഭാസ്‌കര്‍, ജീത്ത് തയ്യില്‍, ഷംസുല്‍ ഇസ്‌ലാം, ടി.എം കൃഷ്ണ തുടങ്ങിയവരും കത്തില്‍ ഒപ്പിട്ടുണ്ട്. കൂടുതലാളുകള്‍ ഈ പ്രതിഷേധം ഏറ്റെടുക്കണമെന്ന ആഗ്രഹമാണു കത്തിനു പിന്നിലെന്ന് ഇവര്‍ പറയുന്നു.
വര്‍ധിച്ചുവരുന്ന ആള്‍ക്കൂട്ട ആക്രമണത്തിനെതിരെയും പൗരന്മാരെ നിശബ്ദമാക്കാനുള്ള നീക്കത്തിനെതിരെയും കൂടുതലാളുകള്‍ രംഗത്തുവരണമെന്നു കത്തില്‍ ആഹ്വാനം ചെയ്യുന്നു.
