മെഡിറ്ററേനിയന്‍ കടല്‍ 'ഒറ്റയ്ക്ക് താണ്ടി' ഒരു വയസുകാരന്‍
ഡൂള്‍ന്യൂസ് ഡെസ്‌ക്
Sunday, 19th December 2021, 11:04 am
റോം: ഒരു വയസുള്ള കുഞ്ഞ് അപകടകരമായ മെഡിറ്ററേനിയന്‍ കടല്‍ ‘ഒറ്റയ്ക്ക്’ കടന്നതായി റിപ്പോര്‍ട്ട്. കുഞ്ഞിന്റെ മാതാപിതാക്കള്‍ തന്നെ കുട്ടിയെ കടല്‍ താണ്ടിക്കടക്കാന്‍ വിടുകയായിരുന്നു എന്നാണ് റിപ്പോര്‍ട്ട്.
ഇറ്റാലിയന്‍ ദ്വീപായ ലാംപെഡൂസയില്‍ കുഞ്ഞ് സുരക്ഷിതമായി എത്തിച്ചേര്‍ന്നു. ടി.ആര്‍.ടി വേള്‍ഡ് ആണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
കുഞ്ഞിന്റെ പേരോ സ്വദേശമോ മറ്റ് വിശദാംശങ്ങളോ പുറത്തുവിട്ടിട്ടില്ല.
കഴിഞ്ഞ രണ്ട് ദിവസമായി ലാംപെഡൂസ ദ്വീപില്‍ 500ലധികം കുടിയേറ്റക്കാര്‍ എത്തിയിട്ടുണ്ട്. ഏഴ് വ്യത്യസ്ത ബോട്ട് ലാന്‍ഡിങ്ങുകളിലാണ് ആളുകള്‍ എത്തിയത്. അതിലൊരാളായിരുന്നു ഈ ഒരു വയസുകാരനുമെന്ന് ഇറ്റാലിയന്‍ ദിനപത്രമായ റിപബ്ലിക്ക ഡെയ്‌ലി റിപ്പോര്‍ട്ട് ചെയ്തു.
