സ്പീക്കര്‍ക്കെതിരായ പ്രമേയം തള്ളി; വോട്ടെടുപ്പിന് മുമ്പ് പ്രതിപക്ഷം സഭയില്‍ നിന്നിറങ്ങി പോയി
ഡൂള്‍ന്യൂസ് ഡെസ്‌ക്
Thursday, 21st January 2021, 2:05 pm
തിരുവനന്തപുരം: സ്പീക്കറെ തല്‍സ്ഥാനത്ത് നിന്ന് നീക്കണമെന്നാവശ്യപ്പെട്ട് പ്രതിപക്ഷ അവതരപ്പിച്ച അവിശ്വാസ പ്രമേയം തള്ളി. ഭൂരിപക്ഷമില്ലാത്തതിനാല്‍ പ്രമേയം തള്ളുന്നുവെന്ന് ഡെപ്യൂട്ടി സ്പീക്കര്‍ വ്യക്തമാക്കി.
സ്പീക്കറുടെ മറുപടിക്ക് ശേഷം പ്രതിപക്ഷം പ്രതിഷേധിച്ച് സഭ വിട്ടിറങ്ങി പോയി. ഇതിന് പിന്നാലെയാണ് ഡെപ്യൂട്ടി സ്പീക്കര്‍ പ്രമേയം തള്ളിയതായി വ്യക്തമാക്കിയത്.
അപവാദ പ്രചരണങ്ങളുടെയും നുണ പ്രചരണങ്ങളുടെയും ബലത്തില്‍ കെട്ടിപ്പൊക്കിയ ഈ പ്രമേയം തള്ളിക്കള്ളിക്കളയണമെന്നാണ് സ്പീക്കര്‍ മറുപടിയായി ആവശ്യപ്പെട്ടത്. എന്നാല്‍ പ്രമേയത്തില്‍ വോട്ടെടുപ്പ് നടക്കുന്നത് വരെ തല്‍സ്ഥാനത്ത് നിന്ന് മാറിനില്‍ക്കുമെന്നാണ് കരുതുന്നതെന്ന് പറഞ്ഞ് പ്രതിപക്ഷ നേതാവ് വാക്ക് ഔട്ട് ചെയ്യുന്നതായി പ്രഖ്യാപിക്കുകയായിരുന്നു.
