റഫാല്‍ ഇടപാടില്‍ കേന്ദ്രത്തെ പ്രതിക്കൂട്ടിലാക്കി പുതിയ വെളിപ്പെടുത്തല്‍; കൈക്കൂലി നല്‍കിയത് അറിഞ്ഞിട്ടും അന്വേഷണ ഏജന്‍സികള്‍ അനങ്ങിയില്ലെന്ന് റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Monday, 8th November 2021, 4:10 pm
പാരീസ്: റഫാല്‍ ഇടപാടില്‍ കേന്ദ്രസര്‍ക്കാരിനെ പ്രതിരോധത്തിലാക്കി പുതിയ വെളിപ്പെടുത്തല്‍. യുദ്ധവിമാന ഇടപാടില്‍ ഇടനിലക്കാരന് 65 കോടിയുടെ കൈക്കൂലി കിട്ടിയതായി ഫ്രഞ്ച് മാധ്യമമായ മീഡിയപാര്‍ട്ട് റിപ്പോര്‍ട്ട് ചെയ്യുന്നു.
കൈക്കൂലി നല്‍കിയത് സംഭവിച്ച വിവരങ്ങള്‍ 2018 ല്‍ തന്നെ ലഭിച്ചിട്ടും അന്വേഷണ ഏജന്‍സികള്‍ക്ക് വീഴ്ച സംഭവിച്ചതായും റിപ്പോര്‍ട്ടില്‍ പറയുന്നു. വ്യാജ ഇന്‍വോയിസ് ആണ് പണം കൈമാറാനായി ദസോള്‍ട്ട് ഏവിയേഷന്‍ ഉപയോഗിച്ചത്.
ഇന്ത്യ 36 യുദ്ധവിമാനങ്ങള്‍ വാങ്ങിയതില്‍ കോഴ ലഭിച്ചുവെന്ന ആരോപണം ശരിവെക്കുന്ന രേഖകളാണ് മീഡിയപാര്‍ട്ട് പുറത്തുവിട്ടത്.
7.8 ബില്ല്യണ്‍ യൂറോയ്ക്കാണ് ഇന്ത്യ ദസോള്‍ട്ടില്‍ നിന്ന് 36 പോര്‍വിമാനങ്ങള്‍ വാങ്ങിയത്. മൗറീഷ്യസ് ആസ്ഥാനമായ ഇന്റര്‍സ്റ്റെല്ലാര്‍ ടെക്‌നോളജീസ് എന്ന കമ്പനി മുഖേനയാണ് കോഴപ്പണം കൈമാറിയിരിക്കുന്നത്.
