മഹാ വികാസ് അഘാഡി സഖ്യത്തിന് പിന്തുണയേറുന്നു; എസ്.പിക്കു പിന്നാലെ ചെറിയ പാര്‍ട്ടികളും സഖ്യത്തിലേക്ക്
ഡൂള്‍ന്യൂസ് ഡെസ്‌ക്
Tuesday, 26th November 2019, 10:28 am
മുംബൈ: സമാജ് വാദി പാര്‍ട്ടി പിന്തുണ പ്രഖ്യാപിച്ചതിന് പിന്നാലെ ശിവസേന-എന്‍.സി.പി-കോണ്‍ഗ്രസ് സഖ്യത്തിലേക്ക് കൂടുതല്‍ അംഗങ്ങള്‍. ഒരു എം.എല്‍.എ മാത്രമുള്ള സ്വാഭിമാനി ഷേത്കരി സംഘടനും സഖ്യത്തിന് പിന്തുണ പ്രഖ്യാപിച്ചു.
തിങ്കളാഴ്ച മൂന്ന് പാര്‍ട്ടികളും ചേര്‍ന്ന മഹാ വികാസ് അഘാഡി 162 എം.എല്‍.എമാരെ അണി നിരത്തി ശക്തി പ്രകടിപ്പിച്ചിരുന്നു. ഇതിന് പിന്നാലെയായിരുന്നു അഖിലേഷ് യാദവിന്റെ സമാജ് വാദി പാര്‍ട്ടി സഖ്യത്തിന് പിന്തുണ അറിയിച്ചത്.
മഹാരാഷ്ട്ര നിയമസഭയില്‍ മുഖ്യമന്ത്രിയും ബി.ജെ.പി നേതാവുമായ ദേവേന്ദ്ര ഫഡ്നാവിസ് ഭൂരിപക്ഷം തെളിയിക്കേണ്ടത് എപ്പോഴെന്നതില്‍ സുപ്രീം കോടതി വിധി പറയാനിരിക്കെയാണ് സഖ്യം കൂടുതല്‍ പിന്തുണ നേടുന്നത്.
