കൊച്ചി: അക്രമത്തെ അതിജീവിച്ച സഹപ്രവര്‍ത്തകയുടെ പോരാട്ടത്തിന് പരസ്യ പിന്തുണയുമായി കൂടുതല്‍ സിനിമാ പ്രവര്‍ത്തകര്‍, കെ യു.മോഹന്‍, ശ്യാം പുഷ്‌കരന്‍, മാര്‍ട്ടിന്‍ പ്രക്കാട്ട്, ഷഹ്ബാസ് അമന്‍, ബിജിപാല്‍ അടക്കം മുപ്പതോളം സിനിമാ പ്രവര്‍ത്തകരാണ് പുതുതായി പരസ്യ പിന്തുണയുമായി രംഗത്തെത്തിയത്.

അതിക്രൂരമായ ലൈംഗികാക്രമണത്തെ അതിജീവിച്ച ഞങ്ങളുടെ സഹപ്രവര്‍ത്തയ്ക്കുള്ള പിന്തുണ ഒരിക്കല്‍ കൂടി പരസ്യമായി പ്രഖ്യാപിക്കുന്നെന്ന് അറിയിച്ച് കൊണ്ടാണ് സിനിമപ്രവര്‍ത്തകര്‍ രംഗത്തെത്തിയത്. കഴിഞ്ഞ ദിവസം നൂറോളം സിനിമാ പ്രവര്‍ത്തര്‍ പിന്തുണയുമായി രംഗത്തെത്തിയിരുന്നു. .

നടന്‍ വിനായകന്‍, അലന്‍സിയര്‍ നടിമാരായ രേവതി, പാര്‍വ്വതി, പദ്മപ്രിയ, സംവിധായകരായ വിധു വിന്‍സെന്റ്, ആഷിഖ് അബു, രാജീവ് രവി, അമല്‍ നീരദ്, അന്‍വര്‍ റഷീദ്,അജിത് കുമാര്‍ ബി, കമല്‍ കെ.എം, പ്രിയനന്ദന്‍ ഗായിക സയനോര, തുടങ്ങി സിനിമയുടെ വിവിധ മേഖലകളില്‍ പ്രവര്‍ത്തിക്കുന്ന നൂറോളം പ്രവര്‍ത്തകരാണ് പരസ്യ പിന്തുണയുമായി രംഗത്തെത്തിയത്.

Also Read ദിലീപിന്റെ തിരിച്ച് വരവ് മാസങ്ങള്‍ക്ക് മുമ്പുള്ള അജണ്ട; രേഖകള്‍ പുറത്ത് വിട്ടു

തങ്ങളുടെ സുഹൃത്ത് ഇരയല്ല, ശാരീരികവും ലൈംഗികവും മാനസികവുമായ ക്രൂര പീഡനത്തെ അതിജീവിച്ച് സമൂഹത്തിന് മാതൃകയായ ധീര യുവതിയാണെന്ന് പരസ്യപിന്തുണയില്‍ സിനിമപ്രവര്‍ത്തകര്‍ പറഞ്ഞിരുന്നു.

അഭിനേതാക്കളുടെ സംഘടനയിലെ ഒരംഗമായിരുന്ന ആ യുവതി, ആരോപണവിധേയനായ നടനെതിരെ നല്‍കിയിരുന്ന പരാതിയില്‍ യാതൊരു നടപടിയും ആ സംഘടന കൈക്കൊണ്ടരുന്നില്ലെന്നും പിന്നീട് ഈ യുവതി ആക്രമിക്കപ്പെടുകയും അതിന്റെ ഉത്തരവാദിത്വം പൊലീസ് ഇതേ നടനില്‍ ആരോപിക്കുകയും ചെയ്തപ്പോഴാണ് സംഘടനാ നേതൃത്വം പൊതുജനാഭിപ്രായത്തിനു മുന്നില്‍ നില്‍ക്കക്കള്ളിയില്ലാതെ അയാളെ പുറത്താക്കിയത്. ഇത് വെറും ഒരു മുഖം രക്ഷിക്കല്‍ നടപടി മാത്രമായിരുന്നു എന്നത് അയാളെ നിരുപാധികം തിരിച്ചെടുത്തതിലൂടെ തെളിഞ്ഞിരിക്കുന്നു. എന്ന് സിനിമാപ്രവര്‍ത്തകര്‍ ചൂണ്ടികാണിച്ചിരുന്നു.

ആക്രമണത്തിനിരയായ യുവതിയുടെ പരാതി ഇപ്പോഴും നിലനില്ക്കുമ്പോള്‍ അതേപ്പറ്റി ഒരക്ഷരം പറയാതെ, അവരെയും അവരോടൊപ്പം നിന്നവരെയും അവഹേളിക്കുന്ന നിലപാടുകള്‍ കൈക്കൊള്ളുന്ന അഭിനേതാക്കളുടെ സംഘടനയുടെ നേതൃത്വത്തോടുള്ള അവിശ്വാസം പരസ്യമായി രേഖപ്പെടുത്തി രാജിവച്ച് പുറത്തുവന്ന നടിമാര്‍ക്കും ഡബ്ല്യു.സി.സിക്കും സിനിമപ്രവര്‍ത്തകര്‍ പിന്തുണ പ്രഖ്യാപിച്ചിട്ടുണ്ട്.

Also Read ‘പേര് ഞാന്‍ നോട്ട് ചെയ്തിട്ടുണ്ട്’; ഓണ്‍ലൈന്‍ മാധ്യമങ്ങളെ പാര്‍ട്ടി നിരീക്ഷിക്കുന്നുണ്ട്: മാധ്യമപ്രവര്‍ത്തകന് ശോഭ സുരേന്ദ്രന്റെ ഭീഷണിയെന്ന് ആരോപണം

സ്ത്രീവിരുദ്ധമായ നിലപാടുകള്‍ അലങ്കാരമായി കാണുന്ന ഈ സംഘടനയുടെ നേതൃത്വത്തില്‍ തെരഞ്ഞെടുക്കപ്പെട്ട ജനപ്രതിനിധികള്‍ തുടരുന്നത്, ആ നടപടികളെ ശരിവയ്ക്കുന്നതിനു തുല്യമാണെന്നും മറിച്ച് അവര്‍ ഈ നിലപാടുകളെ പിന്തുണക്കുന്നില്ലെങ്കില്‍ സംഘടനാ നേതൃത്വത്തില്‍ നിന്നും സ്വയം മാറിനിന്ന് തങ്ങളെ തെരഞ്ഞെടുത്ത കേരളസമൂഹത്തിലെ സ്ത്രീകളടക്കമുള്ള ജനങ്ങളോടുള്ള ഉത്തരവാദിത്വവും സാമാന്യമായ ജനാധിപത്യമര്യാദയും ഉയര്‍ത്തിപ്പിടിക്കുണമെന്നും സിനിമപ്രവര്‍ത്തകര്‍ ഇറക്കിയ സംയുക്ത പത്രപ്രസ്താവനയില്‍ പറയഞ്ഞിരുന്നു.

നിക്ഷിപ്ത താല്പര്യങ്ങള്‍ക്കും ജാതിമതലിംഗ വേര്‍തിരിവുകള്‍ക്കും അതീതമായി ഏവര്‍ക്കും സര്‍ഗ്ഗാത്മകമായി ചലച്ചിത്രപ്രവര്‍ത്തനം നടത്താന്‍ കഴിയുന്ന ഒരു അന്തരീക്ഷം സൃഷ്ടിക്കാന്‍ ശ്രമിക്കണമെന്ന് സര്‍ക്കാരിനോടും ചലച്ചിത്ര സംഘടനകളോടും ചലച്ചിത്ര പ്രവര്‍ത്തകര്‍ അഭ്യര്‍ത്ഥിച്ചിരുന്നു.

പുതുതായി പിന്തുണ പ്രഖ്യാപിച്ച് സിനിമാ പ്രവര്‍ത്തകര്‍

1. Lissy Lakshmi – Actor

2. K U Mohanan – Cinematographer

3. Bijibal – Music Director

4. Shahabas Aman – Music Director / Singer

5. Martin Prakkatt – Director

6. Mahesh Narayanan – Editor/Director

7. Radhakrishnan S – Sound Recordist and Designer

8. Lijin Jose – Director

9. Sriram Raja – Editor/Director

10. Biju Sukumaran – Editor

11. Vinu Joseph – Director

12. JayK – Director

13. Prakash Kutty – Cinematographer

14. Praveen Sukumaran – Director

15. Nandakumar Menon – Cinematographer

16. Rex Vijayan – Music Director / Singer

17. Sreejith – Old monk

18. Syam Pushkaran – Writer

19. Akhil Ravi Padmini – Art Director

20. Abhija Sivakala – Actor

21. Vishakh GS – Director

22. Darshana Rajendran – Actor

23. Santhy Balanchandran – Actor

24. Remya Suresh – Costume Designer

25. Soumya Ramakrishnan – Singer

26. Anil Johnson – Music Director

27. Siji Thomas Nobel – Costume Designer

28. Uma Kumarapuram – Director / Cinematographer

29. Sushin Shyam – Music Director

30. Neha Nair – Music Director, Singer