പിറന്നാള്‍ ദിനത്തില്‍ കൊവിഡ് സഹായവുമായി മോഹന്‍ലാല്‍; ഇത്തവണ മുംബൈയിലെ ആശുപത്രികളിലേക്ക്
ഡൂള്‍ന്യൂസ് ഡെസ്‌ക്
Thursday, 21st May 2020, 6:03 pm
മുംബൈ: പിറന്നാള്‍ ദിനത്തില്‍ മഹാരാഷ്ട്രയ്ക്ക് കൊവിഡ് സഹായവുമായി നടന്‍ മോഹന്‍ലാല്‍. മോഹന്‍ലാലിന്റെ വിശ്വശാന്തി ഫൗണ്ടേഷന്റെ നാലാം ഘട്ട കൊവിഡ് സഹായത്തിന്റെ ഭാഗമായി മുംബൈയിലെ ആശുപത്രികള്‍ക്ക് പി.പി.ഇ കിറ്റുകളാണ് ഇത്തവണ എത്തിച്ചിരിക്കുന്നത്.
ധാരാവിക്ക് അടുത്തുള്ള ലോകമാന്യ തിലക് ആശുപത്രി, ഛത്രപതി ശിവജി ഹോസ്പിറ്റല്‍ തുടങ്ങിയവയ്ക്കാണ് പി.പി.ഇ കിറ്റ് എത്തിച്ചിരിക്കുന്നത്. നേരത്തെ തമിഴ്‌നാടിനും പി.പി.ഇ കിറ്റും മാസ്‌ക്കുകളും വിശ്വശാന്തി ഫൗണ്ടേഷന്‍ കൊടുത്തിരുന്നു.
