പിണറായി വിജയനും മോഹന്‍ലാലും സന്തോഷ് പണ്ഡിറ്റും ജി.എന്‍.പി.സി.യും; മെല്‍ബണ്‍ നഗരത്തില്‍ മലയാളിത്തിളക്കം
ഡൂള്‍ന്യൂസ് ഡെസ്‌ക്
Sunday, 19th April 2020, 4:36 pm
മെല്‍ബണ്‍: ആസ്‌ത്രേലിയയിലെ മെല്‍ബണ്‍ നഗരത്തിലെ ടെലികമ്മ്യൂണിക്കേഷന്‍സ് കമ്പനിയായ ടെല്‍സ്ട്രയുടെ ഓഫീസിന് മുന്നിലുള്ള ഇലക്ട്രോണിക് ബോര്‍ഡില്‍ ഇപ്പോള്‍ മിന്നിത്തിളങ്ങുന്നത് മലയാളികളുടെ പേരുകളാണ്. അതില്‍ മോഹന്‍ലാലും സന്തോഷ് പണ്ഡിറ്റും ജി.എന്‍.പി.സി ഗ്രൂപ്പും സാധാരണക്കാരായ മനുഷ്യരുടെ പേരുകളും ഒക്കെയുണ്ട്.
ഞായറാഴ്ച കാലത്ത് മുതലാണ് മെല്‍ബണ്‍ നഗരത്തിലെ ബോര്‍ഡ് സോഷ്യല്‍ മീഡിയയില്‍ ട്രെന്‍ഡായത്. കൊവിഡിനെ പ്രതിരോധിക്കാന്‍ മുന്നില്‍ നിന്ന് നയിക്കുന്ന കേരള മുഖ്യമന്ത്രി പിണറായി വിജയനെ ആദരമര്‍പ്പിച്ച് മെല്‍ബണ്‍ നഗരത്തില്‍ ബോര്‍ഡ് സ്ഥാപിച്ചു എന്ന വിവരണത്തോടെ ദേശാഭിമാനി ദിനപത്രത്തില്‍ ‘താങ്ക്‌സ് പിണറായി’ എന്നെഴുതിയിരുക്കുന്ന ബോര്‍ഡ് പ്രസിദ്ധീകരിച്ചിരുന്നു. ഇത് സോഷ്യല്‍ മീഡിയയില്‍ വലിയ ചര്‍ച്ചയായതിനെ തുടര്‍ന്നാണ് ഇതാരംഭിച്ചത്.
